དབྱིན་ཇིའི་གཞུང་གིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་རྒྱལ་སྤྱིའི་དོ་སྣང་ཡོང་ཐབས་གནང་བཞིན་ཡོད་ཟེར།
དབྱིན་ཇིའི་ཕྱི་འབྲེལ་དྲུང་ཆེ་(James Cleverly)
@JamesCleverly
དེ་ཡང་ཉིན་ཤས་གོང་དབྱིན་ཇིའི་ཕྱི་འབྲེལ་བློན་ཆེན་ལས་ཁང་གིས། ཕྱི་ལོ་༢༠༢༡ལོའི་མང་གཙོ་དང་འགྲོ་བ་མིའི་ཐོབ་ཐང་གི་སྙན་ཐོ་འདོན་སྤེལ་གནང་བའི་ནང་། རྒྱ་ནག་དམར་ཤོག་གི་སྲིད་གཞུང་འོག་བོད་ནང་འགྲོ་བ་མིའི་ཐོབ་ཐང་མེད་པ་དང་། དེ་བཞིན་རྒྱ་ནག་གཞུང་གིས་བོད་ཕྲུག་རྣམས་བཙན་དབང་གིས་ཕ་མ་དང་ཐག་རིང་ས་གཏན་སྡོད་སློབ་གྲྭའི་ནང་འཇུག་བཞིན་ཡོད་སྐོར་བཀོད་ཡོད་པ་དེའི་ཐད་འདི་ག་རླུང་འཕྲིན་ཁང་གིས་དབྱིན་ཇིའི་ཕྱི་འབྲེལ་ལས་ཁང་གི་གསར་འགོད་འབྲེལ་མཐུད་སྡེ་ཚན་ལ་བཀའ་འདྲི་ཞུས་པའི་ལན་དུ་ཡིག་ཐོག་ནས་བཀའ་ལན་གནང་བའི་ནང་། ཕྱི་ལོ་༢༠༢༡ལོའི་སྙན་ཐོའི་ཟུར་འཆན་ནང་ཕྱི་འབྲེལ་དྲུང་ཆེ་མཆོག་གིས། རྒྱ་ནག་སྤྱི་དང་ལྷག་པར་དུ་བོད་དང་ཤིན་ཅང་ནང་གི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་དང་། དེ་བཞིན་འཛམ་གླིང་གི་ས་ཕྱོགས་གཞན་མ་ཡན་མར་དང་། སུ་དྷན་ནང་གི་འགྲོ་བ་མིའི་ཐོབ་ཐང་ལ་བརྩི་མེད་གཏོང་བཞིན་པའི་གནད་དོན་རྣམས་ལ་རྒྱལ་སྤྱིའི་དོ་སྣང་ཡོང་ཐབས་སུ་མུ་མཐུད་དུ་འབད་བརྩོན་གནང་གི་ཡོད་པ་དང་། ཕྱི་ལོ་༢༠༢༢ལོའི་ཕྱི་ཟླ་གསུམ་པའི་ནང་དབྱིན་ཇིའི་གཞུང་གིས་དམིགས་བཀར་གྱིས་རྒྱ་ནག་གཞུང་གིས་བོད་ཕྲུག་རྣམས་བཙན་དབང་གིས་གཏན་སྡོད་སློབ་གྲའི་ནང་སློབ་བཅུག་བྱེད་ཀྱི་ཡོད་པའི་སྐོར་རྒྱལ་སྤྱིའི་འགྲོ་བ་མིའི་ཐོབ་ཐང་ལས་ཁང་གི་ལྷན་ཚོགས་ཐོག་སྙན་སེང་ཞུས་པ་ཡིན་ཞེས་དང་། དེ་བཞིན་ཇི་ཎི་ཝའི་ནང་ཡོད་པའི་དབྱིན་ཇིའི་སྐུ་ཚབ་(Simon Manley)་ཡིས། བོད་ནང་གི་གནས་སྟངས་ནི་ཧ་ཅང་བློ་འཚབ་གནང་དགོས་པ་ཞིག་ཡིན་པ་དང་། ལྷག་པར་དུ་བཙན་དབང་གིས་ཕྲུ་གུ་གཏན་སྡོད་སློབ་གྲྭའི་ནང་སློབ་བཅུག་བྱེད་པའི་སྲིད་ཇུས་དེས་བོད་མིའི་སྐད་ཡིག་དང་རིག་གཞུང་། ཆོས་ལུགས་དང་ངོ་བོ་སོགས་རྩ་བརླག་འགྲོ་བའི་ཉེན་ཁ་ཡོད་པ་གསུངས་ཡོད་པ་རེད། ཕྱི་ལོ་༢༠༢༢ལོའི་ཕྱི་ཟླ་དྲུག་པའི་ནང་། དབྱིན་ཇི་ཐེ་བའི་རྒྱལ་ཁབ་༤༦ཡིས་སྤྱི་བསྒྲགས་ཤིག་སྤེལ་བའི་ནང་། བོད་ནང་གི་འགྲོ་བ་མིའི་ཐོབ་ཐང་གི་གནས་བབ་ཐོག་བློ་ཚབས་ཆེན་པོ་ཡོད་པ་དང་། རྒྱ་ནག་གཞུང་གིས་བོད་ནང་གི་བོད་མིའི་འགྲོ་བ་མིའི་ཐོབ་ཐང་ལ་བརྩི་སྲུང་བྱ་དགོས་པ་ནི་རྒྱ་ནག་གི་འགན་འཁུར་ཡིན་པའི་སྐོར་གསུངས་ཡོད་པ་རེད་ཅེས་དབྱིན་ཇིའི་ཕྱི་སྲིད་ལས་ཁུངས་ནས་འདི་ག་རླུང་འཕྲིལ་ཁང་ལ་ཡིག་ཐོག་གནང་བའི་ནང་བྲིས་འདུག
གསར་འགོད་པ། ཚེ་དབང་དངོས་གྲུབ། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག