རྒྱ་ནག་གཞུང་གིས་བོད་མི་ཚོའི་ཐོག་མུ་མཐུད་དུ་དྲག་གནོན་བྱེད་བཞིན་པ་རྒྱལ་སྤྱིའི་ཉེས་ཡངས་ཚོགས་པས་ཐེར་འདོན་གནང་འདུག
རྒྱ་ནག་གཞུང་གིས་བོད་མི་ཚོའི་ཐོག་མུ་མཐུད་དུ་དྲག་གནོན་བྱེད་བཞིན་པ་རྒྱལ་སྤྱིའི་ཉེས་ཡངས་ཚོགས་པའི་སྙན་ཐོའི་དྲྭ་ངོས།
སྒྲིག་བཟོ།/RFA
དེ་ཡང་རྒྱལ་སྤྱིའི་ཉེས་ཡངས་ཚོགས་པས་(Amnesty International)་ཕྱི་ལོ་ ༢༠༢༢ལོའི་ཡུལ་ལུང་ཁག་གི་ལོ་འཁོར་སྙན་ཐོ་དེ་བཞིན་ཕྱི་ཟླ་༣ཚེས་༢༨ཉིན་བཏོན་ཡོད་པ་དང་། སྙན་ཐོའི་ནང་བོད་ཀྱི་གནད་དོན་ཐད་བཀོད་པའི་ནང་། རྒྱ་ནག་གཞུང་གིས་བོད་ནང་གི་བོད་མི་ཚོའི་ཐོག་མི་རིགས་དབྱེ་འབྱེད་ཀྱི་སྲིད་བྱུས་མུ་མཐུད་དུ་ལག་བསྟར་བྱེད་བཞིན་པའི་འོག བོད་མིའི་ཆོས་དང་རིག་གཞུང་། སྐད་ཡིག སྨྲ་བརྗོད་རང་དབང་། འདུ་འཛོམས་རང་དབང་བཅས་པའི་ཐོག་དམ་དྲག་བྱེད་ཀྱི་ཡོད་པ་དང་། ཞི་བའི་ཐོག་ནས་ངོ་རྒོལ་གྱི་ལས་འགུལ་སྤེལ་རྒྱུར་ཡང་དམ་དྲག་མུ་མཐུད་དུ་བྱེད་ཀྱི་ཡོད་རེད་ཅེས་དཔེ་མཚོན་ཁག་ཅིག་ལུང་འདྲེན་དང་བཅས་བཀོད་པའི་ནང་། ཕྱི་ལོ་༢༠༢༢ལོའི་ཕྱི་ཟླ་དགུ་པའི་ནང་། ཟི་ཁྲོན་ཞིང་ཆེན་གྱི་དཀར་མཛེས་ཁུལ་གྱི་ས་གནས་རྒྱ་ནག་གི་ཁྲིམས་ཁང་གིས་གངས་སྐྱེས་སྒྲུབ་པ་སྐྱབས་དང་། གངས་བུ་གཡུ་བྷྲུཾ། བསམ་འགྲུབ། སྲས་རྣམ། གངས་ཚེ་རིང་སྒྲོལ་མ། བསམ་གྲུབ་བཅས་ལ་ཁ་བྲལ་དང་སྤྱི་ཚོགས་བདེ་འཇགས་ལ་ཉེན་ཁ་བཟོ་བའི་ལས་འགུལ་སྤེལ་ཡོད་པའི་ཉེས་མིང་འོག་ལོ་བཞི་ནས་བཅུ་བཞི་བར་གྱི་བཙོན་འཇུག་ཁྲིམས་ཐག་བཅད་ཡོད་པ་རེད་ཅེས་དང་། པདྨ་རིན་ཆེན་ལགས་༢༠༢༠ལོ་མཇུག་ཏུ་འཛིན་བཟུང་གིས་ཉེས་ཆད་ཇི་བཀེལ་གྱི་གནས་ཚུལ་གོ་ཐོས་ཙམ་ཡང་མེད་པར་ལྷག་ཡོད་ཐོག གོང་ཞུས་བོད་མི་དྲུག་པོ་དེ་དག་ཕྱི་ལོ་༢༠༢༡ཕྱི་ཟླ་གསུམ་པ་དང་བཞི་པའི་ནང་འཛིན་བཟུང་བྱས་པ་ཞིག་ཡིན་ལུགས་བཀོད་འདུག
རྒྱལ་སྤྱིའི་ཉེས་ཡངས་ཚོགས་པས་བཏོན་པའི་སྙན་ཐོའི་ནང་མུ་མཐུད་ནས་བཀོད་པར་ལྟར་ན། ཉེས་ཆད་བཅད་པའི་མི་སྣ་དེ་དག་གིས་དེ་སྔ་རྩོམ་བྲིས་བ་དང་རྒྱ་ནག་གཞུང་ལ་མི་འདོད་པའི་རྣམ་འགྱུར་བསྟན་པ་བཅས་ཀྱི་གནད་དོན་འོག་ནས་འཛིན་བཟུང་དོ་དམ་བྱས་མྱོང་ཡོད་པ་མ་ཟད། ཁོང་ཚོར་སྡུག་སྦྱོང་མནར་གཅོད་ཤུགས་ཆེན་པོ་བཏང་ཡོད་པར་བརྟེན་གཟུགས་གཞིའི་གནས་སྟངས་ཧ་ཅང་སྐྱོ་པོ་ཆགས་ཡོད་པ་ཡང་བཀོད་འདུག
དེ་དང་ཕྱོགས་མཚུངས་དགེ་འདུན་པ་རིན་ཆེན་ཚུལ་ཁྲིམས་ལགས་ཕྱི་ལོ་༢༠༡༩ལོར་འཛིན་བཟུང་བྱས་པ་ནས་བཟུང་། ཁོང་ལ་ནང་མི་སྤུན་ཉེ་སོགས་ཀྱིས་ཐུག་འཕྲད་བྱེད་རྒྱུར་ཡང་བཀག་འགོག་བྱས་པ་དང་། ཕྱི་ལོ་༢༠༢༠ལོར་ཁོང་ལ་ཁྲིམས་བཤེར་དྲང་བདེན་མེད་པའི་ཐོག་ནས་ལོ་བཞིའི་བཙོན་འཇུག་ཉེས་ཆད་བཅད་ཡོད་པ་སོགས་ཀྱི་གནས་ཚུལ་རྣམས་ལུང་འདྲེན་གནང་སྟེ། བོད་ནང་གི་བོད་མི་དང་ཡུ་གུར་སོགས་རྒྱ་ནག་གཞུང་གི་སྟངས་འཛིན་འོག་ཡོད་པའི་གྲངས་ཉུང་མི་རིགས་ཚོའི་ཐོག་དྲག་གནོན་གྱི་སྲིད་བྱུས་མུ་མཐུད་དུ་འཛིན་བཞིན་ཡོད་པ་ཐེར་འདོན་གནང་འདུག
གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག