༸གོང་ས་མཆོག་ལ་བརྟན་བཞུགས་བསྟར་འབུལ་ཞུས་ཡོད་པ་རེད།

༄༅༎ཁ་ས་བོད་ས་གླང་ལོའི་ལོ་གསར་ཚེས་གཅིག་ཉིན་མོ་དེར་ལྷོ་ཕྱོགས་ཁུལ་གྱི་གདན་ས་སེར་འབྲས་དགའ་གསུམ་གྱི་གྲྭ་ཚང་ཁག་དྲུག་དང་བོད་མིའི་གཞིས་ཆགས་ཁག་གི་སྤྱི་མཐུན་མཉམ་འབྲེལ་དང་སྦེ་ལ་ཀུ་པི་གཞིས་ཆགས་གསར་རྙིང་གཉིས་ཀྱི་སེར་སྐྱ་མི་དམངས་བཅས་སྡེ་ཁག་གསུམ་གྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་ཞབས་པར་བརྟེན་པའི་བརྟན་བཞུགས་བསྟར་འབུལ་ཞུ་སྐབས་༸གོང་ས་མཆོག་སྐུ་ཁམས་ཡག་པོ་ཡོད་པ་དང་སྐུ་ཚེ་ཡུན་རིང་བརྟན་རྒྱུའི་ཞལ་བཞེས་གནང་འདུག

རྒྱ་གར་ལྷོ་ཕྱོགས་སྦེ་ལ་ཀུ་པི་སེ་ར་བླ་སྤྱིར་དད་ལྡན་སེར་སྐྱ་མི་དམངས་ཕོན་ཆེ་ཞིག་ལ་སྒྲོལ་དཀར་ཡིད་བཞིན་འཁོར་ལོའི་སྒོ་ནས་ཚེ་དབང་བསྩལ་གྲུབ་པའི་རྗེས་གདན་ས་ཁག་དང་ས་གནས་མི་དམངས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས་ཡོད་པ་རེད༎