རྒྱ་ནག་གཞུང་གིས་ཐེ་ཝན་གྱི་དཔོན་རིགས་བདུན་ལ་ཉེས་ཆད་འགེལ་རྒྱུ་ཡིན་པ་བསྒྲགས་འདུག
རྒྱ་ནག་དང་ཐེ་ཝན་གྱི་རྒྱལ་དར།
སྒྲིག་བཟོ། /REUTERS
ཕྱི་ཟླ་༨ཚེས་༡༦རེས་གཟའ་མིག་དམར་ཉིན་རྒྱ་ནག་གཞུང་གིས་ཐེ་ཝན་གྱི་དཔོན་རིགས་དང་གྲོས་ཚོགས་འཐུས་མི་ཐེ་བའི་མི་སྣ་བདུན་གྱི་མིང་བཏོན་ནས། དེ་དག་ནི་ཐེ་ཝན་རང་བཙན་མཁྲེགས་འཛིན་པ་ཡིན་ཚུལ་སྐྱོན་བརྗོད་བྱས་ཤིང་། ཁོང་ཚོའི་ཐོག་ཉེས་ཆད་འགེལ་རྒྱུའི་གསལ་བསྒྲགས་བྱས་ཡོད་པ་དང་། འདི་ནི་ཉེ་ལམ་ཨ་རིའི་གྲོས་ཚོགས་ཀྱི་ཚོགས་གཙོ་ལྕམ་ནེན་སི་པེ་ལོ་སི་(Nancy Pelosi)་དབུས་པའི་ཆེས་མཐོའི་སྐུ་ཚབ་ཚོགས་པས་ཐེ་ཝན་དུ་འཚམས་གཟིགས་གནང་བའི་བདུན་ཕྲག་གཉིས་ཙམ་གྱི་རྗེས་སུ་བྱུང་བ་ཞིག་ཡིན་པ་རེད།
ཉེ་ལམ་ཨ་རིའི་གྲོས་ཚོགས་འོག་མའི་ཚོགས་གཙོས་སྣེ་ཁྲིད་གནང་པའི་གྲོས་ཚོགས་ཀྱི་ཆེས་མཐོའི་སྐུ་ཚབ་ཐེ་ཝན་དུ་འཚམས་གཟིགས་སུ་ཕེབས་པ་དང་། ད་རེས་སླར་ཡང་ཨ་རིའི་གྲོས་ཚོགས་ཀྱི་སྐུ་ཚབ་ཚོགས་ཆུང་ཞིག་ཐེ་ཝན་དུ་ཕེབས་མཁན་ཚང་མས་ཨ་རིའི་ངོས་ནས་ཐེ་ཝན་གྱི་མང་གཙོའི་ལམ་ལུགས་དང་རང་དབང་གྱི་གནས་བབས། ཚོང་ལས་དང་དཔལ་འབྱོར་གྱི་གནས་བབས་བཅས་ལ་རྒྱབ་སྐྱོར་ཆེན་པོ་ཡོད་པ་གསུངས་ཡོད་ཅིང་། རྒྱ་ནག་གཞུང་གིས་དེ་ནི་ཨ་རིས་ཐེ་ཝན་གྱི་རང་བཙན་རྩོད་ལེན་པ་ཚོར་བརྡ་ནོར་སྤྲད་པ་ཡིན་ཚུལ་བརྗོད་ཀྱི་ཡོད་པ་རེད།
རྒྱ་ནག་གི་ཐེ་ཝན་ལས་དོན་ལྷན་ཁང་གིས་ཉེས་ཆད་འགེལ་རྒྱུའི་མིང་ཐོའི་ནང་བཅུག་པའི་ཐེ་ཝན་གྱི་དཔོན་རིགས་དེ་དག་གི་ཁོངས་སུ། ཐེ་ཝན་གྱི་ཨ་རིའི་ནང་བཅའ་སྡོད་སྐུ་ཚབ་ཞོ་མེ་ཆིན་དང་། ཐེ་ཝན་གྲོས་ཚོགས་ཀྱི་ཚོགས་གཙོ་གཞོན་པ་ཚེ་ཆི་ཁྲང་དང་། དམངས་གཙོ་ཡར་རྒྱས་ཚོགས་པའི་དྲུང་ཡིག་ཆེན་མོ་གཞོན་པ་ལེན་ཧྥུ་ཧྥན་སོགས་ཡོད་པ་རེད། དེའི་སྔོན་ལ་རྒྱ་ནག་གིས་ཐེ་ཝན་གྱི་སྲིད་བློན་སུའུ་ཀྲིན་ཁྲང་དང་། གྲོས་ཚོགས་གཙོ་ཡུག་ཞི་ཁོན། ཕྱི་འབྲེལ་བློན་ཆེན་ཇོ་སེ་ཧྥུ་ཝུའུ་བཅས་ལ་བཀག་སྡོམ་བཀའ་རྒྱ་བཏང་སྟེ། མི་སྣ་དེ་དག་དང་དེ་དག་གི་ཉེ་འབྲེལ་ཚོ་རྒྱ་ནག་སྐམ་སར་འགྲུལ་སྐྱོད་དང་ཚོང་ལས་གཉེར་མི་ཆོག་པ་བརྗོད་འདུག
སྤྱིར་བཏང་ཐེ་ཝན་གྱི་དཔོན་རིགས་དེ་དག་གིས་རྒྱ་ནག་ནང་འགྲུལ་བཞུད་དང་ཚོང་ལས་སོགས་བྱེད་ཀྱི་མེད་པས། བཀག་སྡོམ་བཀག་རྒྱ་དེས་དོན་དངོས་ཐོག་ཤུགས་རྐྱེན་གང་ཡང་ཐེབས་ཀྱི་མེད་པ་གནད་དོན་དབྱེ་ཞིབ་པ་ཚོས་བརྗོད་བཞིན་འདུག གཞན་ཡང་དམངས་གཙོ་ཡར་རྒྱས་ཚོགས་པའི་དྲུང་ཡིག་ཆེན་མོ་གཞོན་པ་ལེན་ཧྥི་ཧྥན་ནས་རང་གི་ངོ་དེབ་སྟེང་། ངས་བསམ་ན་དུས་རབས་འདིར་དབང་ཆ་གཅིག་སྡུད་གཞུང་ཞིག་གིས་རང་དབང་ལྡན་པའི་འཛམ་གླིང་གི་གྲུབ་ཆའི་མི་སྣའི་ཐོག་བཀག་སྡོམ་གི་ཉེས་ཆད་བཀེལ་བ་དེ་ནི་ངས་རང་གི་གཟི་བརྗིད་ཅིག་ཏུ་བརྩིས་ཆོག་ཅེས་བཀོད་འདུག
གསར་འགོད་པ། ལྕགས་མོ་འཚོ།
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།