གསར་འགྱུར་ཡིག་ཚགས།
2025-04-25
ཟླ་འདིའི་ནང་ཨ་རིས་རྒྱ་ནག་གི་ནང་འདྲེན་ཅ་དངོས་ཐོག་སྒོ་ཁྲལ་བརྒྱ་ཆ་ ༡༤༥ བཀལ་བའི་ཡ་ལན་དུ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་བརྒྱ་ཆ་ ༡༢༥ བར་བཀལ་བ་སོགས། ཨ་རྒྱ་གཉིས་དབར་ཚོང་དམག་གི་ཛ་དྲག་གནས་སྟངས་ཀྱི་དུས་སྐབས་འདིར། རྒྱ་ནག་གཞུང་ངོས་ནས་གལ་ཏེ་ཨ་རིས་རྒྱ་ནག་དང་ཚོང་འབྲེལ་གྲོས་མོལ་བྱས་ཚེ་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་ཞེས་བརྗོད་ཡོད་འདུག
2025-04-25
ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༦ ལ་ཕེབས་པའི་འཁྲུངས་སྐར་ཉིན་འཛམ་གླིང་གང་སར་གནས་པའི་བོད་མི་རྣམས་ནས་ཆོས་ཕྱོགས་དང་། ཞུ་གཏུག་ལས་འགུལ་སོགས་ཐབས་དང་རྣམ་པ་འདྲ་མིན་གྱི་སྒོ་ནས་རིན་པོ་ཆེར་རྗེས་དྲན་དང་སྦྲགས། སྐུའི་འཁྲུངས་སྐར་སྲུང་བརྩི་ཞུ་བཞིན་ཡོད།
2025-04-25
ཟླ་ ༤ ཚེས་ ༢༥ རེས་གཟའ་པ་སངས་ཉིན་གྱི་སྔ་དྲོ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་རྒྱ་བལ་འབུག་གསུམ་གཙོས་པའི་ཕྱི་རྒྱལ་ཡུལ་གྲུ་ཁག་ནས་ཕེབས་པའི་དད་ལྡན་པ་སྣ་མང་ཞིག་ལ་མཇལ་ཁ་སྩལ་གནང་མཛད་སོང་།
2025-04-25
ཨིན་ཡུལ་ནང་རྟེན་གཞི་བྱས་པའི་བྷོན་ཧམ་སི་རིན་སྡུར་ཚོང་སྒྱུར་ཁང་གིས་འདི་ལོའི་ཟླ་བ་ ༦ ཚེས་ ༤ ཉིན་འབྲས་སྤྱི་བློན་ཆེན་བྷ་སིལ་གྷོལྚ་(Sir Basil Gould) ལགས་ཀྱི་ཕྱོགས་བསྡུ་དང་། ཡིག་ཚགས་ཁག་རིན་སྡུར་གྱི་ལམ་ནས་ཚོང་སྒྱུར་གནང་རྒྱུའི་གསལ་བསྒྲགས་གནང་འདུག་ཅིང་། དེའི་ཁོངས་སུ་གཙོ་བོ་ཕྱི་ལོ་ ༡༩༤༠ ལོར་བྷ་སིལ་ལགས་གཙོས་པའི་ཆེད་གཉེར་དོན་གཅོད་ལྷ་སར་བསྐྱོད་པའི་གནས་ཚུལ་དང་། ལྷག་པར་༸གོང་ས་༸སྐྱབས་མགོན་ཆེན་པོའི་ཁྲི་འདོན་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
2025-04-25
རྒྱ་ནག་གཞུང་གིས་མང་གཙོ་དང་གྲངས་ཉུང་མི་རིགས་ཀྱི་ཐོབ་ཐང་སོགས་ཀྱི་སྐོར་ལས་འགུལ་སྤེལ་མཁན་གྱི་རྩོམ་པ་པོ་རྣམས་ལ་རྒྱལ་ཁབ་བདེ་འཇགས་གཏོར་བཤིག་དང་། ཁ་བྲལ་རིང་ལུགས་པ་སོགས་ཀྱི་ཞྭ་མོ་འདྲ་མིན་གཡོག་སྟེ་གང་བྱུང་གིས་འཛིན་བཟུང་བཀག་ཉར་སོགས་བྱས་ཏེ། སྤྱི་ལོ་༢༠༢༤ལོ་གཅིག་པུར་རྩོམ་པ་པོ་ ༡༡༨ བཙོན་འཇུག་བྱས་ནས་འཛམ་གླིང་སྤྱིའི་བཙོན་འཇུག་འོག་གི་རྩོམ་པ་པོ་༣༧༥ལས་གྲངས་འབོར་མང་ཆེ་བ་རྒྱ་ནག་གིས་བཟུང་ཡོད་པར་བརྟེན། སྤྱི་ལོ་༢༠༢༤ལོར་འཛམ་གླིང་སྤྱི་ཡོངས་ཀྱི་རྩོམ་པ་པོར་དྲག་གནོན་བྱེད་མཁན་སྡུག་ཤོས་དེ་རྒྱ་ནག་ཆགས་ཡོད།
2025-04-24
ཟླ་བ་ ༠༤ ཚེས་ ༢༥ ཉིན་ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༦ ལ་ཕེབས་པའི་སྐུའི་འཁྲུངས་སྐར་འཁེལ་གྱི་ཡོད་ནའང་། བོད་མི་རྣམས་ནས་པཎ་ཆེན་རིན་པོ་ཆེ་ད་ལྟ་སྐུ་འཚོ་བཞུགས་ཡོད་མེད་སྐོར་གནས་ཚུལ་ཅི་ཡང་ཤེས་རྟོགས་མེད་པ་དང་། ཁོང་གི་ཞལ་མཇལ་གསུང་ཐོས་མེད་པའི་ངང་ནས་འཁྲུངས་སྐར་སྲུང་བརྩི་ཞུ་བཞིན་ཡོད།
2025-04-24
ཟླ་ ༤ ཚེས་ ༢༤ རེས་གཟའ་ཕུར་བའི་ཉིན་ལྷོ་ཀོ་རི་ཡའི་ (PIPC) ཞེས་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་རྒྱ་ནག་གི་བཟོ་སྐྲུན་བྱས་པའི་མིས་བཟོས་རིག་ནུས་ (DeepSeek) གིས་ལྷོ་ཀི་རི་ཡའི་ནང་རིག་ནུས་དེ་བཞིན་བཀོལ་སྤྱོད་བྱེད་མཁན་རྣམས་ཀྱི་སྒེར་གྱི་གནས་ཚུལ་ཆོག་མཆན་མེད་པར་རྒྱ་ནག་དང་ཨ་རིའི་ཁེ་ལས་པར་མཁོ་སྤྲོད་བྱེད་བཞིན་ཡོད་པ་བརྗོད་འདུག
2025-04-24
ཟླ་ ༤ ཚེས་ ༢༢ ཉིན་རྒྱ་གར་བྱང་ཕྱོགས་ཇམ་མུ་དང་ཀཤ་མིར་མངའ་སྡེའི་པ་ཧལ་གམ་ས་གནས་སུ་དྲག་སྤྱོད་པའི་རྒོལ་རྡུང་འོག་མི་སྣ་ ༢༦ དམར་གསོད་དང་། གཞན་མང་པོར་རྨས་སྐྱོན་ཕོག་པར་གདུང་སེམས་མཉམ་སྐྱེད་མཚོན་ཕྱིར་ཕྱི་ཚེས་ ༢༤ ཉིན་བཞུགས་སྒར་རྡ་རམ་ས་ལའི་ཚོང་ཁང་རིགས་སྒོ་བརྒྱབ་འདུག་ལ། ཕྱི་དྲོ་ཆུ་ཚོད་ ༤ ཐོག་མེག་གྷན་ཁྲོམ་གཞུང་དུ་མར་མེ་ཁྲོམ་སྐོར་གནང་སོང་།
2025-04-24
རྒྱ་གར་དང་རྒྱ་ནག་གཉིས་ནས་གོ་བསྡུར་རིམ་པར་གནང་བ་དང་། ལྷག་པར་རྒྱ་གར་སྲིད་བློན་མཱོ་ཏི་མཆོག་དང་རྒྱ་གར་ཨུ་ཏར་ཁན་མངའ་སྡེའི་སྤྱི་ཁྱབ་བློན་ཆེན་བཅས་ནས་འབད་བརྩོན་རིམ་བསྟེན་གྱི་འབྲས་བུར། འདི་ལོའི་སྤྱི་ཟླ་ ༦ པའི་ཚེས་ ༣༠ ནས་དབུ་འཛུགས་ཞུས་ཏེ་རྒྱ་གར་གྱི་གནས་སྐོར་བ་རྣམས་གངས་རིན་པོ་ཆེ་དང་མཚོ་མ་ཕམ་ལ་གནས་མཇལ་དུ་བསྐྱོད་རྒྱུའི་འགོ་འཛུགས་རྒྱུ་ཡིན་པ་རྒྱ་གར་གསར་ཁང་ཁག་ཅིག་གིས་གཞུང་འབྲེལ་གསལ་བསྒྲགས་ལུང་འདྲེན་དང་བཅས་བསྒྲགས་འདུག
2025-04-24
བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བཙན་བྱོལ་ནང་གི་གཞོན་སྐྱེས་གཙོ་བོར་གྱུར་བའི་བོད་མི་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་རྒྱུར་དམིགས་པའི་གཏམ་བརྗོད་གཟིགས་འབུལ་གྱི་ལས་འགུལ་སྤེལ་བཞིན་པར། བོད་མི་ཚོས་བསྔགས་བརྗོད་དང་འབྲེལ་བོད་དོན་གཏམ་བརྗོད་གཟིགས་འབུལ་གྱི་ལས་གཞི་བསྐྱར་གསོ་བྱས་པར་དགའ་བསུ་ཞུ་བཞིན་འདུག
2025-04-23
འཚེ་བ་མེད་པའི་ཐབས་ལམ་གྱི་གདམ་གའི་ཐེབས་རྩ་ཁང་གིས་གོ་སྒྲིག་འོག བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་དང་། སྐུའི་གསུང་བསྒྱུར་དགེ་བཤེས་ཐུབ་བསྟན་སྦྱིན་པ་ལགས་དབུ་བཞུགས་ཐོག ཉེ་ལམ་༸གོང་ས་༸སྐྱབས་མགོན་ཆེན་པོ་མཆོག་གིས་ལྗགས་རྩོམ་མཛད་པའི་ཕྱག་དེབ་མགྲིན་མེད་པ་རྣམས་ཀྱི་མགྲིན་ཚབ་པའི་ཐོག་དྲྭ་ཐོག་བགྲོ་གླེང་ཞིག་སྐོང་ཚོགས་གནང་ཡོད་པ་རེད།
2025-04-23
བོད་ཀྱི་ཐེབས་རྩའི་མཐུན་སྦྱོར་བརྒྱུད་འདི་ལོ་ཕྱི་ལོ ༢༠༢༥ ལོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་གོ་སྟོན་དང་བསྟུན་ཟླ་ ༤ ཚེས་ ༢༣ རེས་གཟའ་ལྷག་པ་ཉིན་འཛམ་གླིང་ནང་སྙན་གྲགས་ཆེ་ཞིང་བྱིས་པ་ཚོས་ཆེས་དགའ་མོས་བྱེད་སའི་འགུལ་བརྙན་པེ་པ་པིག་(Peppa Pig) ལེ་ཚན་བོད་སྐད་ནང་དབུ་འབྱེད་གནང་འདུག
2025-04-23
རྒྱ་ནག་གཞུང་གིས་དུས་ངེས་མེད་དུ་བོད་ནང་བརྟན་བརླིང་བཤད་བཞིན་པ་ནི། བོད་མི་ཚོས་རྒྱ་ནག་གཞུང་གི་ལས་དོན་བྱེད་ཕྱོགས་ལ་རྩ་ནས་འདོད་མོས་མེད་པའི་རྣམ་པ་ཞིག་དང་། བོད་ནང་ཡུན་རིང་བརྟན་བརླིང་ཞེས་བཤད་བཞིན་པ་ནི་མུ་མཐུད་དྲག་གནོན་བྱེད་དགོས་པའི་དོན་ཡིན་པ། འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།
2025-04-23
ཨེ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་བྷེ་ཕང་གིས་ཨ་རིའི་ཀོ་ལོམ་བྷི་ཡ་རྫོང་གི་ཁྲིམས་ཁང་གིས་སྔོན་འགྲོའི་བཀའ་ཁྱབ་ཅིག་བཏང་སྟེ། ཨ་རིའི་གོ་ལའི་བརྒྱུད་ལམ་ལས་ཁུངས་(USAGM)ནས་ཨ་རིའི་གྲོས་ཚོགས་ཀྱིས་མཁོ་སྤྲོད་གནང་བའི་མ་དངུལ་ཨེ་ཤེ་ཡ་རང་དབང་རླུང་འཕྲིན་ཁང་ལ་བགོ་འགྲེམས་དགོས་སྐོར་གསུངས་པར་དགའ་བསུ་ཞུས་ཡོད།
2025-04-23
རྒྱ་ནག་གིས་ཐོན་སྐྱེད་ཀྱི་ལྕགས་རིགས་རིན་གོང་ཁེ་བོ་སྣ་ཚོགས་ཤིག་རྒྱ་གར་དུ་ནང་འདྲེན་ཤུགས་ཆེ་བྱས་ཏེ། རྒྱ་གར་གྱི་ལྕགས་རིགས་ཕྱིར་ཚོང་དང་ཐོན་སྐྱེད་ཀྱི་རིམ་པ་ཇེ་དལ་དུ་བཏང་བ་མ་ཟད། ལྕགས་རིགས་ཐོན་སྐྱེད་ཀྱི་བཟོ་གྲྭ་ཁག་ཏུ་ལས་ཀ་ཇེ་ཉུང་དུ་འགྲོ་བཞིན་པར་བརྟེན། རྒྱ་གར་གྱིས་རྒྱ་ནག་ནས་ནང་འདྲེན་གྱི་ལྕགས་རིགས་ཐོག་སྒོ་ཁྲལ་བརྒྱ་༡༢འགེལ་རྒྱུ་ཡིན་པའི་ཡོངས་བསྒྲགས་གནང་ཡོད།
