བོད་མིའི་སྒྲིག་འཛུགས་ཀྱིས་མགྲིན་ཚབ་པ་བསྐོས་འདུག

ཕྱི་དྲིལ་དྲུང་ཆེ་དྭགས་པོ་བསོད་ནམས་ནོར་བུ་ལགས་བོད་མིའི་སྒྲིག་འཛུགས་ཀྱི་མགྲིན་ཚབ་པར་བསྐོ་གཞག་གནང་འདུག
དེ་ཡང་དབུས་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་དོན། བོད་མིའི་སྒྲིག་འཛུགས་ཀྱི་བཀའ་དྲུང་ཡིག་ཚང་ནས་ཉེ་སྔོན་ཕྱི་ཟླ་༩་ཚེས་༣་ཉིན་བཀོད་ཁྱབ་གསལ་བསྒྲགས་གནང་པའི་ནང་། ཕྱི་དྲིལ་དྲུང་ཆེ་དྭགས་པོ་བསོད་ནམས་ནོར་བུ་ལགས་བོད་མིའི་སྒྲིག་འཛུགས་ཀྱི་མགྲིན་ཚབ་པར་བསྐོ་བཞག་གནང་འདུག་པ་དང་། དྭགས་པོ་བསོད་ནམས་ནོར་བུ་ལགས་ནས་བོད་མིའི་སྒྲིག་འཛུགས་ཀྱི་མགྲིན་ཚབ་པའི་འགན་འཁུར་དེ་ཕྱི་ཟླ་༩་པའི་ཚེས་༣་ནས་དབུ་འཛུགས་ཞུ་དགོས་པ་ལྟར་འགན་འཁུར་ཞུ་མུས་ཡིན་འདུག
གནས་ཚུལ་ནང་བཀོད་པར་གཞིགས་ན། དྭགས་པོ་བསོད་ནམ་ནོར་བུ་ལགས་ནི། བོད་མིའི་སྒྲིག་འཛུགས་ནང་ཕྱག་ལས་གནང་སྟེ་མི་ལོ་༢༥་ཙམ་གྱི་ཉམས་མྱོང་ཡོད་མཁན་གྱི་སྲི་ཞུ་བ་རྒན་གྲས་ཤིག་ཡིན་པ་མ་ཟད། དེ་སྔ་ཨོ་སི་ཊོ་ལི་ཡའི་སྐུ་ཚབ་དོན་གཅོད་གནང་མྱོང་ཡོད་པ་དང་། དེ་སྔ་བོད་རྒྱ་འབྲེལ་མོལ་གྱི་བརྒྱུད་རིམ་ནང་། རྒྱ་ནག་ཏུ་གྲོས་མོལ་སྐུ་ཚབ་ཚོགས་ཆུང་ནང་མཉམ་ཞུགས་གནང་མྱོང་ཡོད་པ་གསལ་འདུག།།   

གསར་འགོད་པ་དོན་གྲུབ་རྣམ་རྒྱལ།