ཉི་ཧོང་གི་དྲག་པོའི་དམག་དོན་ཤུགས་ཆེ་རུ་གཏང་འཆར།

༄༅༎ཉི་ཧོང་གི་སྲིད་བློན་གནང་གཏན་ཁེལ་བའི་སྲིད་བློན་ཟུར་པ་ཤིན་ཛོ་ ཨ་སྦི་ཡིས་ཉི་ཧོང་གི་དྲག་པོ་དམག་དོན་ཤུགས་ཆེ་རུ་གཏང་རྒྱུ་ཡིན་ལུགས་བཤད་འདུག
དེང་སྐབས་ཉི་ཧོང་གི་ཚན་རིག་ལག་རྩལ་མཁས་པོ་ཡོད་པ་མ་ཟད། འཛམ་གླིང་ཁྱོན་ཡོངས་ཀྱི་ནང་ནས་དྲག་པོའི་དམག་དཔུང་ཐོག་འགྲོ་སོང་ཆེན་པོ་གཏོང་མཁན་ཨང་དྲུག་པ་དེ་ཡིན་པས། ཉི་ཧོང་གི་དྲག་པོའི་རྐང་དམག་དང་། གནམ་དམག དེ་བཞིན་མཚོ་དམག་གི་སྟོབས་ཤུགས་ཤིན་ཏུ་ཆེན་པོ་ཡོད་ན་ཡང༌།  འཛམ་གླིང་དམག་ཆེན་གཉིས་པའི་རྗེས་སུ་ཨ་མི་རི་ཀས་གནོན་ཤུགས་འོག་ ཉི་ཧོང་གི་རྩ་ཁྲིམས་ནང་དྲག་པོའི་དམག་གི་སྟོབས་ཤུགས་འཕེལ་རྒྱས་གཏོང་ཕྱོགས་ཐད་བཏང་འཛིན་ཤུགས་ཆེ་བྱས་ཡོད་པ་རེད། འོན་ཀྱང་ད་ཆ་རྒྱ་ནག་དང་བྱང་ཀོ་རི་ཡ་གཉིས་ནས་ཉི་ཧོང་གི་བདེ་འཇགས་ཐོག་ཉེན་འཚབ་སླེབས་བཞིན་ཡོད་པ་དང༌། ཉི་ཧོང་གི་ཐབས་བྱུས་སློབ་སྟོན་པ་རྣམས་ཀྱིས་ཀྱང་། ད་ཆ་ཉི་ཧོང་གི་སོ་སོའི་སྲུང་སྐྱོབ་སོ་སོའི་དམག་གིས་འགན་འཁུར་བཞེས་རྒྱུའི་དུས་ལ་བབས་ཡོད་པའི་བསམ་ཚུལ་ཤུགས་ཆེན་པོ་བཏོན་པ་བཅས་ལས། རྒྱལ་གཅེས་ཀྱི་ལྟ་བ་འཁྲེགས་པོ་འཛིན་མཁན་མང་གཙོ་གུ་ཡངས་ཚོགས་པའི་དབུ་ཁྲིད་ཤིན་ཛོ་ཨ་སྦི་ཡིས། ཁོང་སྲིད་བློན་གནང་རིང་ཉི་ཧོང་གི་དྲག་པོའི་དམག་མི་ནུས་ཤུགས་ཆེ་རུ་གཏོང་སྟེ། ཨ་མི་རི་ཀ་ལྟ་བུའི་མཐུན་ཕྱོགས་ཀྱི་རྒྱལ་ཁབ་ཁག་གི་དམག་དཔུང་དང་འདྲ་མཉམ་བྱེད་རྒྱུ་ཡིན་པའི་སྐོར་ནན་བརྗོད་བྱས་འདུག།