ལྷ་ས་གྲོང་ཁྱེར་མངའ་ཁོངས་ཀྱི་ཉེན་རྟོག་འགོ་ཁྲིད་ཞིག་ལ་ཞིབ་བཤེར་དང་བརྟག་དཔྱད་བྱེད་བཞིན་ཡོད་འདུག
ལྷ་ས་གྲོང་ཁྱེར་རྒྱ་ནག་གི་ཉེན་རྟོག་ལས་ཁུངས་ཁྲིན་ཀོན་ཁུལ་ཡན་ལག་ཁང་།
Chinese State Media
ཕྱི་ཟླ་༡པའི་ཚེས་༢༤ཉིན་ལྷ་སའི་རྒྱ་ནག་གི་གསར་ལམ་ཁག་ནང་གནས་ཚུལ་སྤེལ་བའི་ནང་བརྗོད་ན། ལྷ་ས་གྲོང་ཁྱེར་ཉེན་རྟོག་ལས་ཁུངས་ཀྱི་ཁྲིན་ཀོན་(མཁར་ཞོལ)་ཡན་ལག་ཁང་གི་མྱང་ར་དཀྱིལ་ལམ་ཉེན་རྟོག་ས་ཚིགས་ཀྱི་འགོ་ཁྲིད་དང་ཉེན་རྟོག་པའི་གནས་རིམ་གཉིས་པའི་གོ་གནས་ཅན་ཝང་ཆིན་ཝི་ལ་སྒྲིག་གཞི་སྒྲིག་འགལ་དང་འབྲེལ་བའི་དྭོགས་གཞིའི་འོག་ད་ལྟ་ལྷ་ས་གྲོང་ཁྱེར་སྒྲིག་ཁྲིམས་ཞིབ་བཤེར་བརྟག་དཔྱད་ལས་ཁུངས་ནས་ཞིབ་བཤེར་དང་ལྟ་ཞིབ་བརྟག་དཔྱད་བྱེད་བཞིན་པ་གསལ་འདུག
སྤྱིར་བཏང་རྒྱ་ནག་གཞུང་གིས་སྒྲིག་གཞི་སྒྲིག་འགལ་དང་འབྲེལ་བའི་རྟོག་ཞིབ་བྱེད་པ་ཟེར་བའི་ཚིག་དེ་ནི་ལྐོག་ཟ་རུང་སུངས་གི་གནད་དོན་དང་འབྲེལ་ནས་རྟོག་ཞིབ་བྱེད་པར་བརྗོད་ཀྱི་ཡོད་འདུག
དེའི་སྔོན་ ཕྱི་ལོ་༢༠༢༤ ཟླ་༡༢ ཚེས་༡༡ཉིན། རྒྱ་ནག་གཞུང་གིས་བཅད་བགོས་བྱས་པའི་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་ཟུར་བ་ཝུའུ་གཡིང་ཇེ་(Wu Yingjie)་ཟེར་བར། ལོ་དེའི་ཕྱི་ཟླ་ ༦་པ་ནས་བཟུང་ཞིབ་བཤེར་བྱས་བ་དང་། ཁོས་རྒྱ་ནག་དམར་ཤོག་ལ་དད་སེམས་ཉམས་པ་དང་དམར་ཤོག་གི་རྩ་དོན་ཤོར་བ། ཕུགས་བསམ་ཉམས་པ་དང་བོད་རང་སྐྱོང་ལྗོངས་ཀྱི་དམར་ཤོག་ཚོགས་པའི་ཆབ་སྲིད་ཁོར་ཡུག་ལ་གཏོར་སྐྱོན་བཟོས་པ་སོགས་ཀྱི་ཉེས་མིང་བཀལ་ཏེ། ཝུའུ་གཡིང་ཇེ་རྒྱ་ནག་དམར་ཤོག་གི་སྐྱིད་སྡུག་དང་ལས་གནས་ནས་ཕྱིར་ཕུད་ཀྱི་ཉེས་ཆད་བཅད་ཡོད་པའི་གནས་ཚུལ་ཐོན་ཡོད་པ་དང་། འདི་ལོའི་ཟླ་ ༡ ཚེས་ ༢༣ ཉིན། བོད་རང་སྐྱོང་ལྗོངས་སྲིད་གཞུང་གི་འགོ་གཙོ་ཟུར་བ་དང་། རྒྱ་ནག་གཞུང་གིས་རྒྱལ་ཡོངས་སྲིད་གྲོས་ཀྱི་རྒྱུན་ལས་དང་། རྒྱ་ནག་རྒྱལ་ཡོངས་གྲོང་གསེབ་དང་ཞིང་ལས་ལྷན་ཁང་གི་འགོ་གཙོ་གཞོན་པའི་འགན་འཁུར་བཞིན་པ་བོད་རིགས་འགོ་ཁྲིད་ཆེ་དགྲ་ལྷར། སྒྲིག་འགལ་ཁྲིམས་འགལ་གྱི་གནད་དོན་ཚབས་ཆེན་ཡོད་སྐོར་བརྗོད་ནས། རྒྱ་ནག་རྒྱལ་ཡོངས་སྒྲིག་ཁྲིམས་ཞིབ་བཤེར་ཁང་གིས་ཞིབ་བཤེར་དང་བརྟག་དཔྱད་བྱེད་བཞིན་ཡོད་པའི་གནས་ཚུལ་ཐོན་ཡོད།
གསར་འགོད་པ། ལྕགས་མོ་འཚོ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག