ཁཱ་ན་ཊའི་གྲོས་ཚོགས་ནང་མཁན་པོ་གློད་བཀྲོལ་ཆེད་ཞུ་འབོད།
2014.04.11
༢༠༡༤།༤།༩ཉིན་ཁཱ་ན་ཊའི་གྲོས་ཚོགས་ཀྱི་འཐུས་མི་Peggy Nashལགས་ཀྱིས་གྲོས་ཚོགས་ནང་ཞུ་འབོད་གནང་བཞིན་པ།
པར། དྲ་བཤུས།
ཁཱ་ན་ཊའི་གྲོས་ཚོགས་ཀྱི་འཐུས་མི་ཞིག་གིས་ཡུལ་དེའི་གྲོས་ཚོགས་ནང་རྒྱ་ནག་གིས་མཁན་པོ་ཀརྨ་ཚེ་དབང་གློད་བཀྲོལ་ཆེད་ཞུ་འབོད་གནང་འདུག
དེ་ཡང་ཚེས༩ཉིན་ཁཱ་ན་ཊའི་གྲོས་ཚོགས་ཀྱི་འཐུས་མི་Peggy Nashམཆོག་ཡུལ་དེའི་གྲོས་ཚོགས་ཀྱི་ཚོགས་རའི་ནང་ཡར་ལངས་ནས་ཁོང་མོའི་འོས་བསྡུ་ས་ཁུལ་གྱི་མི་དམངས་མང་པོའི་རེ་འདུན་ལྟར། ཁཱ་ན་ཊའི་ཕྱི་སྲིད་ལྷན་ཁང་གིས་རྒྱ་ནག་གཞུང་ལ་ད་ལྟ་ཁོང་ཚོས་བཙོན་འཇུག་བྱས་བསྡད་ཡོད་པའི་ནང་ཆེན་ཇ་པ་དགོན་པའི་མཁན་པོ་ཀར་ཚེ་འམ་ཀརྨ་ཚེ་དབང་ལགས་གང་མགྱོགས་གློད་བཀྲོལ་ཡོང་ཐབས་ཆེད་འབོད་བསྐུལ་གནོང་རོགས་ཞུ་བཞིན་ཡོད་ཅེས་དང་། ད་དུང་ཁོ་མོས་མཁན་པོ་ཀརྨ་ཚེ་དབང་ལགས་ནི་བོད་ནང་ཆ་རྒྱུས་ཆེན་པོ་ཡོད་པའི་བོད་ཀྱི་ཆོས་དང་རིག་གནས། སྐད་ཡིག་སོགས་ཀྱི་ཐོག་སྐུ་ངལ་མཛད་མེད་ཀྱི་ཕྱག་ལས་མང་པོ་གནང་མྱོང་མཁན་ཞིག་ཡིན་པ་དང་། ཁོང་སྤྱི་ལོ་༢༠༡༣ལོའི་སྤྱི་ཟླ་༡༢་བའི་ནང་རྒྱ་ནག་གིས་འཇུ་བཟུང་བྱས་བའི་བཀག་ཉར་འོག་ད་ལྟའི་སྐབས་སུ་མཁལ་མ་ནད་པ་ཆག་ནས་སྐུ་གཟུགས་ཀྱི་གནས་བབས་ཚབས་ཆེན་ཡིན་པ་མ་ཟད། རྒྱ་གཞུང་གིས་ཁོང་ལ་སྨན་བཅོས་ཀྱང་གནང་འཇུག་གི་མེད་པར་བརྟེན་ཁོང་འཕྲལ་དུ་གློད་བཀྲོལ་ཡོང་དགོས་བའི་ཞུ་འབོད་བྱེད་བཞིན་པ་ཡིན། དེ་བཞིན་རྒྱ་ནག་དུ་ཡོད་པའི་ཁཱ་ན་ཊའི་གཞུང་ཚབ་ཆེན་མོ་༢༠༡༣ལོའི་སྤྱི་ཟླ་༩པའི་ནང་བོད་ནང་བསྐྱོད་སྐབས་ཀྱི་གནས་ཚུལ་དང་མྱོང་ཚུལ་སྐོར་ཇི་བྱུང་གསལ་བཤད་ཡོང་བའི་རེ་སྐུལ་ཡང་ཞུ་བཞིན་ཡོད་པ་སོགས་ཞུ་འབོད་གནང་འདུག
མཁན་པོ་ཀརྨ་ཚེ་དབང་ལགས་ད་ལྟ་ཆབ་མདོའི་བཀག་ཉར་ཁང་ན་ཡོད་པའི་ཚོད་དཔག་བྱེད་བཞིན་པ་དང་། དེ་སྔོན་ནང་ཆེན་རྫོང་ཇ་པ་དགོན་པའི་གྲྭ་མང་དང་། ས་གནས་མི་མང་ཚོས་ཡང་ཡང་མཁན་པོ་ཁོང་གློད་བཀྲོལ་ཡོང་བའི་རེ་འབོད་ཞུ་གཏུགས་བྱས་ཡོད་ཀྱང་ད་བར་ཕན་ནུས་ཐོན་མེད་པ་རེད།
གསར་འགོད་པ་རྡོ་རྗེ་དགྲ་འདུལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།