ཡུམ་ཆེན་བསོད་ནམས་སྒྲོལ་མ་སྐུ་གཤེགས་པ།

བོད་ནས་གནས་ཚུལ་འབྱོར་བར་གཞིགས་ན།    ཚེས་༢༩ཉིན་གྱི་སྔ་དྲོའི་ཆུ་ཚོད་དགུ་པ་ཙམ་ལ་༧ ཀུན་གཟུགས་པཎ་ཆེན་ཐམས་ཅད་མཁྱེན་པ་རྗེ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་བཟང་བོ་མཆོག་གི་ཡུམ་བསོད་ནམས་སྒྲོལ་མ་མཆོག་སྨན་ཁང་དུ་དགོངས་པ་རྫོགས་ཡོད་པ་དང་། སྐབས་དེར་དགུང་གྲངས་༩༧ལ་ཕེབས་ཀྱི་ཡོད་འདུག  དེ་མ་ཐག་སྐུ་ཕུང་ཟི་ལིང་བརྒྱུད་ཕ་ཡུལ་བིས་མདོ་ལ་གདན་འདྲེན་ཞུ་བཞིན་པ་དང་། ད་ཆ་འཁྲུངས་ཡུལ་རྡོ་སྦིས་བིས་མདོ་གཙོས། རྐ་རིོང་དང་། རྐང་ཚ་སོགས་མདོ་སྨད་ཡུལ་གྱི་ས་ཁུལ་མི་ཉུང་བ་ན་བསྔོ་སྨོན་མཆོད་འབུལ་བྱེད་བཞིན་པ་རེད། ཡུམ་ཆེན་མཆོག་འདི་ལོའི་ལོ་འགོ་ནས་སྐུ་ཁམས་བདེ་བོ་མེད་པར་སྨན་ཁང་འདྲ་མིན་ལ་བསྟེན་ཡོད་པ་དང་། ད་ཐེངས་གློ་བུར་སྐུ་གཤེགས་པ་ཡིན་འདུག།
ཡུམ་ཆེན་བསོད་ནམས་སྒྲོལ་མ་མཆོག་གིས། རྒྱ་ནག་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་། བོད་རང་སྐྱོང་ལྗོངས་ཆབ་སྲིད་གྲོས་ཚོགས་ཀྱི་གཙོ་འཛིན་གཞོན་པའི་དབུ་གནས་བཞེས་ཡོད་འདུག་ལ། སྤྱི་ལོ་ ༡༩༣༨ ལོའི་ཟླ་དང་པོའི་ཚེས་གསུམ་ཉིན། མཚོ་སྔོན་ཞིང་ཆེན་བིས་མདོ་ཡུལ་གྱི་ངོ་མཚར་གྲོང་ཚོ་ཞེས་པར། ཡབ་ཆེན་གུར་མགོན་ཚེ་བརྟན་དང་ཡུམ་ཆེན་བསོད་ནམས་སྒྲོལ་མ་གཉིས་གྱི་སྲས་སུ་པཎ་ཆེན་རིན་པོ་ཆེ་སྐུ་ཕྲེང་བཅུ་པ་སྐུ་འཁྲུངས།
གནས་ཚུལ་འདི་བཞིན་སྐབས་ཐོག་རྒྱ་ནག་གཞུང་ཕྱོགས་ཀྱི་བརྒྱུད་ལམ་ཁག་ནང་ཐོན་མེད་ཀྱང་ཕྱི་ནང་དྲ་བའི་ཐོག་མྱ་ངན་དང་སྐྱོ་ཚུལ་སྟོན་མཁན་མང་པོ་འདུག