ཨ་རིའི་རིག་མཛོད་འཕྲུལ་རྩལ་ལ་བསྔགས་བརྗོད།

༄༅།    །རྒྱ་གར་གྱི་སྲིད་བློན་ན་རན་དཱ་ར་མོ་དཱི་མཆོག་གིས་ཨ་མ་རི་ཁའི་ཁེ་ལེ་ཕྷོ་ནི་ཡའི་རིག་མཛོད་འཕྲུལ་ཆས་བཟོ་ཚོང་བསྟི་གནས་ཁང་ཡོད་སའི་གྲོང་ཁྱེར་དེའི་ཚོགས་ཁང་ནང་རིག་མཛོད་འཕྲུལ་ཆས་ཀྱི་དྲྭ་འཕྲིན་འཕྲུལ་ཐབས་ལག་རྩལ་གྱི་མི་སྣ་མང་པོ་འདུ་འཛོམས་ཀྱི་སར་ཆེད་ཕེབས་གནང་ཡོད་པ་དང་།  རྒྱ་གར་གྱི་སྲིད་བློན་མཆོག་གིས་སྤྱི་ཚོགས་ཀྱི་ནང་གློག་འཕྲིན་རིག་མཛོད་འཕྲུལ་རྩལ་གྱི་གཞི་ཡུལ་ཡར་རྒྱས་འགྲོ་བཞིན་པར་བསྔགས་བརྗོད་དང་།   དེ་བཞིན་དེང་དུས་འཕྲུལ་རིགས་ལག་རྩལ་དེ་ཚོས་སྤྱི་ཚོགས་ལ་ཞབས་འདེགས་དང་ལེགས་བྱའི་འགྱུར་བ་མང་པོ་གཏོང་ཐུབ་པའི་གོ་སྐབས་དང་བསྟུན་རྒྱ་གར་ནང་དུའང་བེུད་ཚོའི་ཤེས་ཡོན་སློབ་སྦྱོང་ཡར་རྒྱས་གཏོང་རྒྱུ་དང་བེུད་མང་པོ་ཡུལ་གྱི་དབུ་ཁྲིད་བྱེད་ཐུབ་པ་བཟོ་རྒྱུ་སོགས་ཀྱི་དམིགས་ཡུལ་འཛིན་གྱི་ཡོད་ལུགས་འགྲེལ་བརྗོད་གནང་ཡོད་པ་རེད།
ལྷག་དོན་དུ་Facebook and Twitter སོགས་ཀྱི་གནས་འཕྲིན་དྲྭ་འཕྲིན་གྱི་མཐུན་རྐྱེན་དེ་ཚོས་དེ་སྔོན་གཞུང་དམངས་སྤྱི་ཚོགས་ཀྱི་ཁྲོད་དུ་ལས་དོན་སྤེལ་དུས་དུས་ཚོད་ལོ་ལྔ་འགོར་རྒྱུ་དེ་ད་ཆ་སྐར་མ་ལྔ་ལ་གྲུབ་ཚར་གྱི་ཡོད་པ་སོགས་ཀྱི་དགེ་མཚན་དུ་མ་ཡོད་པའི་སྐོར་སོགས་གསུངས་ཡོད་པ་རེད།
ཨ་མི་རི་ཁའི་Silicon Valley ཞེས་པའི་ཁེ་ལེ་ཕྷོ་ནི་ཡའི་རིག་མཛོད་འཕྲུལ་གསར་བཟོ་རྩལ་བསྟི་གནས་ཁང་ཡོད་སའི་ས་གནས་San Jose Sports Arena ཞེས་པའི་སར་ཨ་མི་རི་ཁའི་ནང་རིག་མཛོད་འཕྲིན་ཆས་བཟོ་རྩལ་ལས་མི་སོགས་མི་གྲངས་༡༨༠༠༠ཙམ་འདུ་འཛོམས་ཀྱི་སར་རྒྱ་གར་གྱི་སྲིད་བློན་མོ་དི་མཆོག་ལ་དགའ་བསུ་དང་གསུང་གླེང་ཡང་གནང་ཡོད་པ་དང་།  དེ་བཞིན་དེ་ཁུལ་དུ་འབྲེལ་ཡོད་རིག་མཛོད་འཕྲིན་ཆས་བཟོ་རྩལ་ལས་ཁང་མང་པོ་དང་འབྲེལ་མོལ་གནང་སྟེ་རྒྱ་གར་ནང་ལེགས་བྱ་ལེན་ཐབས་གནང་ཡོད་པ་རེད།

གསར་འགོད་ཕྲེང་རིང་བསྟན་ནོར།