རྒྱ་གཞུང་གིས་ལིའུ་ཤའོ་པོ་ལ་བཙོན་འཇུག་ཁྲིམས་ཐག་བཅད་པ།

༄༅༎ད་རེས་རྒྱ་ནག་གཞུང་གིས་ཡེ་ཤུའི་འཁྲུངས་སྐར་དུས་ཆེན་གྱི་སྔ་ནུབ་ཏུ་རྒྱ་ནག་ནང་འགྲོ་བ་མིའི་ཐོབ་ཐང་ཐད་འབད་བརྩོན་གནང་མཁན་རྒྱ་རིགས་ལིའུ་ཤའོ་པོ་ལ་ཉེས་ཆད་བཙོན་འཇུག་ལོ་ཚད་བཅུ་གཅིག་བཏང་བའི་ཐག་གཅོད་དེར།རྒྱལ་མཚམས་མེད་པའི་གསར་འགོད་ཚོགས་པས་རྒྱ་ནག་གཞུང་ལ་སྐྱོན་འཛུགས་བྱས་ཡོད་པ་རེད།

གང་ཡིན་ཟེར་ན་ལིའུ་ཤའོ་པོ་ཡི་དོན་རྐྱེན་དེའི་ཐད་འཛམ་གླིང་ས་ཕྱོགས་གང་ས་ནས་ཁོང་གུ་ཡངས་གློད་འགྲོལ་ཡོང་བའི་ཆེད་དུ།རྒྱ་ནག་གཞུང་ལ་རེ་སྐུལ་ཞུས་ཀྱང་དེར་ཉན་འཇོག་མེད་པའི་ཁར་བཙོན་བཅུག་ལོ་ཚད་ཧ་ཅང་མང་བའི་སྐོར་དང་དེའང་སྟོན་པ་ཡེ་ཤུའི་འཁྲུངས་ཚེས་ཁེ་སི་མི་སིའི་ཉིན་ཐག་གཅོད་བྱས་པའི་གནད་དོན་དེ་ཚོར་ཨ་མི་རི་ཁས་ཀྱང་།རྒྱ་ནག་གཞུང་གིས་ཡུལ་མིར་ཆབ་སྲིད་ཀྱི་དོན་རྐྱེན་བཟོས་ནས་ཉེས་ཆད་བཏང་བའི་གནད་དོན་ཐད་སྐྱོན་འཛུགས་བྱེད་ཀྱི་ཡོད་པ་རེད།

རྒྱ་ནག་གཞུང་གིས་ཆབ་སྲིད་ནག་ཉེས་གཡོགས་ཏེ་བཙོན་འཇུག་བཏང་བའི་གནས་ཚུལ་དེ་འདྲ་མང་པོ་ཡོད་པ་དང་།དེ་སྔོན་སྤྱི་ལོ་ཕྱི་ལོ་ཉིས་སྟོང་བདུན་སྤྱི་ཟླ་བཅུ་གཉིས་པའི་ཚེས་ཉི་ཤུ་བདུན་གྱི་ཉིན།རྒྱ་རིགས་ཧུ་ཇའ་དང་དེ་བཞིན་སྤྱི་ལོ་ཉིས་སྟོང་དྲུག་ལོའི་ཡེ་ཤུའི་འཁྲུངས་སྐར་སྐབས་དེར།རྒྱ་རིགས་གའོ་ཀྲེ་ཧྲེང་སོགས་བཙོན་འཇུག་ཀྱི་ཁྲིམས་ཐག་བཅད་པའི་གནས་ཚུལ་ཕྱོགས་འདྲ་བ་བྱུང་ཡོད་པའི་གནས་ཚུལ་ལ་སྐྱོན་འཛུགས་གནང་ཡོད་པ་སོགས་ཀྱི་གནས་ཚུལ་ཐོན་བཞག།