རྒྱ་གར་རྒྱལ་ནང་ནས་བཟོས་པའི་ཏོག་དབྱིབས་སྔོན་འགོག་སྨན་ཁབ་འགྲེམས་སྤེལ་གནང་བ།
རྒྱ་གར་གྱི་སྲིད་བློན་མཆོག་གིས་རྒྱལ་ནང་ནས་བཟོས་པའི་ཏོག་དབྱིབས་སྔོན་འགོག་སྨན་ཁབ་འགྲེམས་སྤེལ་གནང་ཐུབ་པ་དེ་ནི་སྤོབས་པ་འོས་པ་ཞིག་ཡིན་ལུགས་གསུངས་འདུག
གེཙ་ཕའོན་ཌེ་ཤེན།
དེ་རིང་གཟའ་སྤེན་པ་སྟེ་ཕྱི་ཟླ་༡ཚེས་༡༦ཉིན་རྒྱ་གར་རྒྱལ་ཡོངས་སུ་ཀོ་ཝིདྲ་༡༩ འམ་ཏོག་དབྱིབས་ནད་འབུའི་རིམས་ནད་ཀྱི་སྔོན་འགོག་ཁབ་གཉིས་དངོས་སུ་འགྲེམས་སྤེལ་གནང་ཡོད་པ་དང་སྲིད་བློན་མཆོག་གིས་རྒྱལ་ཡོངས་གསུང་འཕྲིན་གནང་བའི་ནང་ཚན་རིག་པ་དང་འབྲེལ་ཡོད་ལས་བྱེད་ཚོར་སྨན་ཁབ་རྒྱལ་ནང་རང་དུ་གསར་བཟོ་བྱེད་ཐུབ་པར་བསྔགས་བརྗོད་ཤུགས་ཆེ་གནང་ཡོད་པ་རེད། དེ་ཡང་སྲིད་བློན་ན་རན་དར་མོ་རྡི་མཆོག་གིས་ད་རིང་ཉི་མོ་འདི་ནི་ང་ཚོའི་རྒྱལ་ཁབ་ཀྱི་ཚན་རིག་པ་དང་འབྲེལ་ཡོད་ལས་བྱེད་ཚོས་དུས་ཡུན་ཐུང་ངུ་ཞིག་ནང་ཉིན་མཚན་བསྟུད་མར་ཕྱག་ལས་གནང་བའི་གྲུབ་འབྲས་ལ་བརྟེན་ནས་ད་ཆ་དངོས་སུ་ཏོག་དབྱིབས་གཉན་རིམས་ཀྱི་སྔོན་འགོག་ཁབ་གཉིས་གསར་བཟོ་ཐུབ་པ་བྱུང་ཡོད་པ་རེད། དེ་ནི་ང་ཚོའི་རྒྱལ་ཁབ་ཀྱི་ནུས་པ་ག་འདྲ་ཡོད་མེད་མིག་དཔེ་བཏོན་ཐུབ་པ་ཞིག་དང་གཟི་བརྗིད་ཞིག་ལ་ངོས་འཛིན་བྱེད་ཆོག ལྷག་པར་དུ་སྨན་ཁབ་གསར་བཟོ་བྱེད་རྒྱུའི་ཐོག་དཀའ་ལས་རྒྱབ་མཁན་ཚང་མར་ཐུགས་རྗེ་ཆེ་ཞུ་རྒྱུ་ཡིན་ཞེས་འཚོར་སྣང་ཤུགས་ཆེན་པོའི་ཐོག་ནས་གཏམ་བཤད་སྤེལ་གནང་ཡོད་པ་རེད། དེ་དང་ཕྱོགས་མཚུངས་སྲིད་བློན་མཆོག་གིས་ཚན་རིག་པ་ཚོས་སྨན་ཁབ་དེ་དག་ཧ་ཅང་དོ་ནན་པོ་དང་ཞིབ་མཇུག་ཐིལ་ཕྱིན་གནང་བའི་མཚམས་སུ་དངོས་སུ་བེད་སྤྱོད་བྱེད་རྒྱུར་ཆོག་ཆན་ཐོབ་པ་ཞིག་རེད། དེ་འདྲ་ཡིན་དུས་ད་ཆ་གཞི་རྒྱ་ཆེ་བའི་སྨན་ཁབ་དེ་དག་མང་ཚོགས་ནས་བེད་སྤྱོད་བྱེད་པའི་སྐབས་ནད་ཡམས་སྔོན་འགོག་གི་སྒྲིག་གཞི་གཞིར་བཟུང་འགྲོ་དགོས་ལུགས་གསུངས་འདུག
གོང་དུ་ཞུས་པའི་སྨན་ཁབ་གཉིས་པོ་ནི་Covidshield དང་Covidxin གཉིས་ཡིན་པ་རེད། ད་རིང་ནས་འགོ་བཙུགས་པའི་སྨན་ཁབ་ཐོག་མར་སྨན་ཁང་ནང་གི་ལས་བྱེད་ས་ཡ་གཅིག་ཙམ་དང་དེ་ནས་དམག་ཞབས་དང་། ཉེན་རྟོག་པ་། མང་ཚོགས་དང་འབྲེལ་བའི་ལས་ཀ་བྱེད་མཁན་བཅས་མི་གྲངས་ས་ཡ་གསུམ་ཙམ་ལ་བརྒྱབ་རྒྱུ། དེའི་རྗེས་སུ་ལོ་ན་ལྔ་བཅུ་ཡན་ཆད་དང་རིམ་པས་མང་ཚོགས་གཞན་རྣམས་ལ་རྒྱབ་རྒྱུ་བཅས་རིམ་པ་འགའ་ཤས་ཡོད་འདུག འཛམ་གླིང་ནང་མི་འབོར་ཐེར་འབུམ་གཅིག་ལྷག་ཙམ་ཡོད་པའི་རྒྱ་གར་རྒྱལ་ཁབ་ནང་སྔོན་འགོག་ཁབ་རྒྱབ་རྒྱུ་དེ་ནི་གཞི་རྒྱ་ཆེ་ཤོས་ཤིོག་ཏུ་གྱུར་རྒྱུ་ཡིན་པ་རེད།།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག