སློབ་གྲྭ་ཁག་གི་ནང་སྐད་ཡིག་དང་རིག་ལམ་ཐོག་ཤུཊ་རྒྱག་དགོས།

༧གོང་ས་༧སྐྱབས་མགོན་ཆེན་པོ་མཆོག་གིས་སློབ་གྲྭ་ཁག་གི་ནང་སྐད་ཡིག་དང་རིག་ལམ་ཐོག་ཤུགས་སྣོན་རྒྱག་དགོས་པའི་བཀའ་སློབ་ཕེབས་ཡོད་འདུག
དེ་ཡང་ཟླ་འདིའི་ཕྱི་ཚེས་༦ནས་༡༠་བར། རྒྱ་གར་གྱི་རྒྱལ་ས་ལྡི་ལི་རུ་རྟེན་གཞི་བྱེད་པའི་བོད་ཕྲུག་ཁྱིམ་སྡེའི་སྡོད་ཁང་དུ། བོད་ཕྲུག་ཁྱིམ་སྡེའི་འཛིན་སྐྱོང་འཕེལ་རྒྱས་ཚོགས་འདུ་ཐེངས་༣༩་བ་ཚོཊ་ཡོད་ཅིང་། ཚོཊ་བཅར་བ་རྣམས་ལ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཟུར་མཇལ་སྩལ་གནང་མཛད་ཅིང་། སྐབས་དེར་༧གོང་ས་༧སྐྱབས་མགོན་ཆེན་པོ་མཆོག་གིས་སློབ་གྲ་ཁག་ནང་གཙོ་བོ་སྐད་ཡིག་དང་རིག་ལམ་ཐོག་ཤུགས་སྣོན་རྒྱག་དགོས་པའི་བཀའ་སློབ་གནང་ཡོད་པ་བོད་ཕྲུག་ཁྱིམ་སྡེའི་སྤྱི་ཁྱབ་འགན་འཛིན་ཐུབ་བསྟན་རྡོ་རྗེ་ལགས་ཀྱིས་འདི་ག་རླུང་འཕྲིན་ཁང་གི་གསར་འགོད་པར་ངོ་སྤྲོད་གནང་འདུག
ཡང་ཚོཊ་འདུའི་སྐབས་བཀའ་སློབ་ཇི་བཞིན་ལག་བསྟར་བྱེད་ཕྱོཊ་ཐོག་གྲོས་བསྡུར་གྱིས་དེ་འབྲེལ་གྱི་དམིཊ་བསལ་གྲོས་ཆོད་དོན་ཚན་༡༩་ཅན་ཞིག་བཞག་ཡོད་པ་གསུངས་འདུག
འཛིན་སྐྱོང་འཕེལ་རྒྱས་ཚོཊ་འདུ་དེའི་ཐོག་བོད་ཕྲུག་ཁྱིོམ་སྡེའི་ཡན་ལག་ཁག་གི་འགན་འཛིན་དང་། སློབ་སྤྱི སྤྱི་ཁྱབ་ཡིག་ཚང་གི་འབྲེལ་ཡོད་ལས་བྱེད་ཁག་ཅིག་བཅས་སྡོམ་པའི་ཚོཊ་བཅར་བ་༢༤་ཡོད་པ་དང་། ཚོཊ་ཐོག་ཏུ་འདས་བའི་ལོའི་གྲོས་གཞིར་བསྐྱར་ཞིབ་དང་སྔོན་རྩིས་བཀའ་ཁྲོད་དམིགས་བཀར་ལས་གཞི། དེ་མིན་ཤེས་ཡོན་ཡར་རྒྱས་གཏོང་ཕྱོགས་སོཊ་ཀྱི་སྐོར་ལ་བཀའ་བསྡུར་གནང་ཡོད་འདུག་ལ། འགན་འཛིན་ཁག་ཅིག་འཕོ་འགྱུར་ཕྱིན་ཡོད་འདུག
ད་ལྟའི་ཆར་བོད་ཕྲུག་ཁྱིམ་སྡེའི་ཁྱབ་ཁོངས་སུ་སློབ་གྲྭ་བརྒྱད་དང་ལག་ཤེས་སློབ་གྲྭ་གཉིས། གོང་ས་ཏཱ་ལའི་བླ་མའི་མཐོ་སློབ་བཅས་ཡོད་ཅིང་། དེ་དག་ནང་སློབ་གྲྭ་འགྲིམ་བཞིན་པའི་སློབ་མ་ཆིག་ཁྲི་ཉིས་སྟོང་ལྷག་དང་། དགེ་རྒན་དང་ལས་བྱེད་ཆིག་སྟོང་ཉིས་བརྒྱ་ཙམ་ཡོད་པ་བོད་ཕྲུག་ཁྱིམ་སྡེའི་སྤྱི་ཁྱབ་འགན་འཛིན་གྱིས་མཚམས་སྦྱོར་གནང་འདུག།

གསར་འགོད་པ་རྡོ་རྗེ་འཚོ།