དབྱིན་ཇིའི་རྒྱལ་སྲས་དང་བཙུན་མོ་གཉིས་འབྲུག་ཡུལ་ལ་ཕེབས་པ།

དབྱིན་ཇིའི་རྒྱལ་སྲས་William་དང་ལྕམ་Kate་གཉིས་ཀྱིས་འབྲུག་ཡུལ་ལ་ཕེབས་ནས་ཕྱི་ཟླ་བཞི་པའི་ཚེས་༡༤་ཉིན་འབྲུག་ཡུལ་གྱི་རྒྱལ་པོ་དང་བཙུན་མོ་གཉིས་དང་མཇལ་འཕྲད་གནང་བ་དང་། ཁོང་གཉིས་ལ་འབྲུག་པའི་གཞས་དང་ཞབས་བྲོའི་ཁྲོད་ནས་ཕེབས་བསུའི་སྣེ་ལེན་ཞུས་ཡོད་པ་རེད།
དབྱིན་ཇིའི་རྒྱལ་སྲས་དང་ལྕམ་གཉིས་འབྲུག་གི་རྒྱལ་ས་Thimpu་ཡི་བཀྲིས་ཆོས་རྫོང་མཁར་རྫོང་དུ་ཕེབས་ཏེ། འབྲུག་རྒྱལ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་དང་རྒྱལ་མོ་རྗེ་བཙུན་པདྨ་རྣམ་གཉིས་དང་མཇལ་འཕྲད་གནང་བ་དང་། མཇལ་འཕྲད་གྲུབ་པའི་རྗེས་ཁོང་རྣམས་འབྲུག་རྒྱལ་ཁབ་ཀྱི་ཐོུང་མ་ཡིན་པའི་རྩེད་མོ་མདའ་རྩེད་འགྲན་བསྡུར་གཟིགས་པར་ཕེབས་ཡོད་པ་རེད།
དབྱིན་ཇིའི་རྒྱལ་སྲས་དང་ལྕམ་གཉིས་རྒྱ་གར་ནང་གི་འཚམས་འདྲི་གྲུབ་ཏེ་རེས་གཟའ་ཕུར་བུའི་སྔ་དྲོ་རྒྱ་གར་ནས་འབྲུག་ཡུལ་དུ་འཚམས་འདྲིར་ཕེབས་པ་ཞིག་ཡིན་ཞིང་། འབྲུག་ཡུལ་རྒྱལ་ཁབ་ནང་ཉིན་གཉིས་ཀྱི་འཚམས་འདྲི་གནང་གི་ཡོད་པ་རེད།
འབྲུག་གི་རྒྱལ་པོ་འཇིགས་མེད་དགེ་སར་རྣམ་རྒྱལ་དབང་ཕྱུག་མཆོག་ནི་། ཁོང་གི་ཡབ་འབྲུག་རྒྱལ་འཇིགས་མེད་སེང་གེ་དབང་ཕྱུག་གིས་རྒྱལ་སྲིད་ཀྱི་དབང་ཆ་ལས་འབབ་པ་དང་། ཆབ་སྲིད་ཀྱི་དབང་ཆ་གྲོས་ཚོགས་ཁྲིམས་བཟོ་ལྷན་ཚོགས་ཀྱིས་གཏན་འབེབས་བྱས་པའི་དམངས་གཙོར་རྩིས་སྤྲོད་བྱ་རྒྱུའི་གྲོས་འཆམ་བྱུང་བའི་རྗེས་ཏེ་༢༠༠༦ལོར། རྒྱལ་པོའི་གསར་ཁྲིར་འཁོད་པ་དང་། འབྲུག་རྒྱལ་ཁབ་ཀྱིས་འོས་བསྡུའི་ལས་དོན་ཐེངས་དང་པོ་དེ་༢༠༠༨་ལོར་འགོ་བཙུགས་ནས་ཐོུང་མ་ཡིན་པའི་རྒྱལ་ཁབ་ཀྱི་དཔལ་འབྱོར་འཕེལ་རྒྱས་ཀྱི་དཔེ་མཚོན་འཇོག་ས་ནི་འབྲུག་ཡུལ་རྒྱལ་ཡོངས་ཀྱི་ཐོན་སྐྱེད་དང་བདེ་སྐྱིད་གཉིས་ཟུངས་དུ་འབྲེལ་ནས་འཕེལ་རྒྱས་གཏོང་རྒྱུ་ཡིན་ཞེས་བརྗོད་ཀྱི་ཡོད་ཅིང་། དེའི་དམིགས་ཡུལ་ནི་འབྲུག་པའི་མང་ཚོགས་ཀྱི་བདེ་སྐྱིད་དང་དཔལ་འབྱོར་འཕེལ་རྒྱས་གཉིས་པོ་ཁེ་བག་མེད་པ་འདྲ་མཉམ་དུ་འཕེལ་རྒྱས་གཏོང་རྒྱུའི་ཆེད་དུ་ཡིན་པ་ངོས་འཛིན་བྱེད་ཀྱི་ཡོད་པ་རེད་།

གསར་འགོད་པ་གཡུ་སྒྲོན།