སྐུ་ཞབས་ལིའུ་ཞའོ་པོ་ཡི་པུར་ཐལ་རྒྱ་མཚོའི་ནང་བཤམས་ཡོད་པ།
2017.07.15
ནོ་བེལ་ཞི་བདེའི་གཟེངས་རྟགས་ཐོབ་མཁན་དམངས་གཙོ་དོན་གཉེར་བ་ལིའུ་ཞའོ་པོའོ་ཡི་ཕུང་པོ་མེར་བསྲེགས་བཏང་རྗེས་པུར་ཐལ་རྒྱ་མཚོའི་ནང་བཤམས་ཡོད་འདུག
ཨེ་ཨེཕ་པི།
༄༅། །ནོ་བེལ་ཞི་བདེའི་གཟེངས་རྟགས་ཐོབ་མཁན་དམངས་གཙོ་དོན་གཉེར་བ་ལིའུ་ཞའོ་པོ་ཡི་ཕུང་པོ་མེར་བསྲེགས་བཏང་བའི་པུར་ཐལ་རྒྱ་མཚོའི་ནང་བཤམས་ཡོད་འདུག
རྒྱ་ནག་གཞུང་འབྲེལ་གྱི་བརྙན་པར་ཕྱིར་བཏོན་བྱས་པའི་ནང་ དེ་རིང་གཟའ་སྤེན་པའི་ཉིན་སྐུ་ཞབས་ལིའུ་ཞའོ་པོ་ཡི་སྐུ་ཕུང་མེར་བསྲེག་བཏང་བའི་རྗེས་ ལིའུ་ཞའོ་པོ་ཡི་སྐུ་ཟླ་ལིའུ་ཞའ་དང་དེ་བཞིན་ལིའུ་ཞའོ་པོའོ་ཡི་སྤུན་མཆེད་ཚོས་ལིའུ་ཞའོ་པོ་ཡི་པུར་ཐལ་རྒྱ་མཚོའི་ནང་གཤམ་པའི་སྐོར་མཐོང་རྒྱུ་ཡོད་པ་རེད། ལིའུ་ཞའོ་པོ་ཡི་སྐུ་ཕུང་མེར་བསྲེགས་བཏང་བའི་རྗེས་ཁོང་གི་སྤུན་མཆེད་རྒན་པ་ལིའུ་ཞའོ་གོང་གིས་གསར་འགོད་ལྷན་ཚོགས་ཐོག་རྒྱ་ནག་གཞུང་འབྲེལ་དཔོན་རིགས་ཀྱིས་མི་ཆོས་རིང་ལུགས་ཀྱི་ལྟ་སྐྱོང་གནང་བར་ཐུགས་རྗེ་ཆེ་ཞེས་ཞུས་ཡོད་འདུག རྒྱ་ནག་གཞུང་གིས་ལིའུ་ཞའོ་པོ་ལ་བཅོས་ཐབས་བྲལ་བའི་འབྲས་སྐྲན་གྱི་ནད་གཞི་ཕོག་པའི་གནས་ཚུལ་ཕྱི་ཕྱོགས་སུ་གསང་བ་དམ་པོ་བྱས་ཡོད་པ་མ་ཟད། ཕྱི་ཕྱོགས་ནས་ཁོང་གི་གཟའ་ཟླ་དང་ནང་མི་སྤུན་མཆེད་ཚོར་འབྲེལ་བ་བྱ་རྒྱུར་ཡང་དམ་དྲག་ནན་པོ་བྱས་ཡོད་ཅིང་། ལིའུ་ཞའོ་པོ་ཡི་གཅེན་པོ་ལིའུ་ཞའོ་གོང་གིས་གསུངས་ན། ལིའུ་ཞའོ་པོ་ཡི་གཟའ་ཟླ་ལིའུ་ཞའ་༢༠༡༠ལོ་ནས་བཟུང་རང་ཁྱིམ་དུ་བཟང་བཙོན་དུ་འཇོག་མུས་ཡིན་པ་དང་། ཁོང་གི་གཟུགས་པོའི་གནས་སྟངས་ཡང་ཧ་ཅང་གི་སྐྱོ་པོ་ཡིན་པར་བརྟེན། ལིའུ་ཞའ་སྨན་ཁང་དུ་སྨན་བཅོས་ཀྱི་མཐུན་རྐྱེན་དགོས་མཁོ་ཡོད་པའི་སྐོར་གསུངས་འདུག རྒྱ་ནག་ཧྲན་ཡང་གྲོང་ཁྱེར་གྱི་དཔོན་རིགས་ནས་ལིའུ་ཞའོ་པོ་ལ་མྱ་ངན་གྱི་འདུ་འཛོམས་ཆུང་ངུ་ཞིག་སྤེལ་ཡོད་པའི་སྐབས། ཁོང་གི་གཟའ་ཟླ་དང་ནང་མི་སྤུན་མཆེད་དང་དགའ་ཉེ་བློ་དཀར་སོགས་མཉམ་ཞུགས་བྱས་ཡོད་པའི་སྐོར་བརྗོད་ཡོད་ཅིང་། ཡིན་ནའི་རྒྱལ་སྤྱིའི་ཉེས་ཡངས་ཚོགས་པའི་རྒྱ་ནག་གི་གནད་དོན་ཉམས་ཞིབ་པ་Patrick Poon གྱིས་རྒྱ་ནག་གཞུང་ཕྱོགས་ནས་ཕྱིར་བསྒྲགས་བྱས་པའི་བརྙན་པར་ནང་ལིའུ་ཞའོ་ཕོ་ཡི་ནང་མི་མ་གཏོགས་དགའ་ཉེ་གཅིག་ཀྱང་མཐོང་རྒྱུ་མེད་པ་མ་ཟད། བརྙན་པར་དེའི་ནང་ཉུང་ཐར་ཡང་བདེ་འཇགས་ཉེན་རྟོག་དཔོན་རིགས་ཤིག་མཐོང་རྒྱུ་ཡོད་པའི་སྐོར་གསུངས་འདུག ནོ་བེལ་ཞི་བདེའི་གཟེངས་རྟགས་བཞེས་པ་པོ་སྐུ་ཞབས་ལིའུ་ཞའོ་པོ་ཕྱི་ཟླ་ ༧ ཚེས་ ༡༣ ཉིན་འདས་གྲོངས་སུ་འགྱུར་བའི་རྗེས་། ཁོང་གི་གཟའ་ཟླ་ལིའུ་ཞའ་ཡི་གནས་སྟངས་ཐོག་མི་མང་པོས་སེམས་ཚབ་བྱེད་བཞིན་ཡོད་པ་དང་། ཨ་རི་དང་ཡོ་རོབ་མཉམ་འབྲེལ་སྒྲིག་འཛུགས་སོགས་ཀྱིས་རྒྱ་ནག་གཞུང་གིས་ལིའུ་ཞའ་བཟང་བཙོན་ནས་གློད་བཀྲོལ་བཏང་སྟེ་ཁོང་རྒྱ་ནག་ནས་ཕྱི་རྒྱལ་དུ་འགྲོ་བསྐྱོད་ཆོག་པའི་ཆོག་མཆན་སྤྲོད་དགོས་ལུགས་འབོད་སྐུལ་གནང་བཞིན་ཡོད་པ་རེད།།
གསར་འགོད་པ་འཆི་མེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།