བལ་ཡུལ་ནང་ཨེ་ཤེ་ཡའི་འཛུགས་བསྐྲུན་དངུལ་ཁང་གི་ཡན་ལག།

༄༅༎བལ་ཡུལ་ནང་ཨེ་ཤེ་ཡའི་འཛུགས་བསྐྲུན་དངུལ་ཁང་གི་ཡན་ལག་དབུ་བརྙེས་ནས་ལོ་ཉི་ཤུའི་དུས་དྲན་སྲུང་བརྩིའི་ཆེད་དངུལ་ཁང་དེའི་དབུ་འཛིན་ཧ་རུ་ཧི་ཀོ་ཀུ་རོ་རྡ་ཉིན་བཞིའི་རིང་གཟིགས་སྐོར་དུ་ཕེབས་རྒྱུ་ཡིན་འདུག

འདི་ཚེས་༢༦ནས་དབུ་འཛུགས་གནང་རྒྱུའི་གཟིགས་སྐོར་རིང་ཨེ་ཤེ་ཡའི་འཛུགས་བསྐྲུན་དངུལ་ཁང་གི་དབུ་འཛིན་ཧ་རུ་ཧི་ཀོ་ཀུ་རོ་རྡ་བལ་ཡུལ་གཞུང་གི་འབྲེལ་ཡོད་དཔོན་རིགས་དང་མཇལ་འཕྲད་ཀྱིས་དངུལ་ཁང་དེའི་ལས་དོན་མཇུག་སྐྱོང་གནང་ཕྱོགས་སོགས་ཀྱི་སྐོར་བཀའ་བསྡུར་གནང་རྒྱུ་ཡིན་པའི་གསལ་བསྒྲགས་གནང་འདུག དངུལ་ཁང་གི་དབུ་འཛིན་གྱིས་བལ་ཡུལ་ནང་ད་ཡོད་འཛུགས་བསྐྲུན་གྱི་ལས་གཞི་དེ་དག་ལ་མཐུན་འགྱུར་མུ་མཐུད་གནང་རྒྱུའི་ཁས་ལེན་གནང་རྒྱུ་དང་ ལས་གཞི་དེ་དག་གིས་ཁེ་ཕན་ཐོབ་པའི་མི་མང་ཁག་ཅིག་ཟུར་མཇལ་གནང་རྒྱུ་ཡིན་འདུག། བལ་ཡུལ་ནང་དངུལ་ཁག་གི་ལན་ལག་ཕྱི་ལོ་༡༩༦༩ལོར་འགོ་བཙུགས་པ་ནས་བཟུང་ ད་བར་རོགས་དངུལ་ ཨ་རིའི་ ཌོ་ལར་ཐེར་འབུམ་གསུམ་ཙམ་གནང་ཡོད་པ་ཁར་བར་ལམ་ནས་རོགས་དངུལ་ཤུགས་ཆེ་ཏུ་ཕྱིན་ཡོད་རེད།  དཔེར་ན་ཕྱི་ལོ་༢༠༠༧དང་༢༠༠༨ལོར་རོགས་དངུལ་ཨ་རིའི་ཌོ་ལར་ས་ཡ་༢༥༨གནང་ཡོད་པ་དེ་ཕྱི་ལོ་༢༠༠༩དང་༢༠༡༠ལོར་ཌོ་ལར་ས་ཡ་༥༥༩བར་སྤར་ཡོད་འདུག།