༧གོང་ས་མཆོག་གིས་ཐུགས་གསོ་དང་རོཊ་སྐྱོར་གནང་འདུག

༧གོང་ས་མཆོག་གིས་རྒྱ་མཚོའི་རླུང་འཚུབ་དྲག་པོའི་གནོད་འཚེ་ཕོག་སའི་Philippines སྲིད་འཛིན་ལ་ཐུགས་གསོའི་འཚམས་འཕྲིན་སྩལ་གནང་འདུག

དེ་ཡང་ཕྱི་ཟླ་བཅིུག་པའི་ཚེས་༡༡ ཉིན་༧གོང་ས་མཆོག་གིས་བསྩལ་བའི་གསུང་འཕྲིན་ནང་དུ། ཉེ་ཆར་Philippines ནང་རྒྱ་མཚོའི་རླུང་འཚུབ་དྲག་པོ་རྒྱབ་པའི་གནོད་འཚེའི་འོག་མི་མང་པོའི་ཚེ་སྲོག་ཤོར་བའི་གནས་སྟངས་ལ་ཐུགས་ཕམ་ཆེན་པོ་བྱུང་གནང་བ་དང། ལྷག་དོན་རང་བྱུང་གནོད་འཚེ་དེའི་ནང་རྐྱེན་འདས་སུ་ཕྱིན་པ་སོགས་གོད་ཆག་ཕོག་པའི་མི་དམངས་ཚོར་ཐུགས་སྨོན་མཛད་རྒྱུ་དང། གོད་ཆཌ་ཕོག་མིའི་ཤུལ་ལུས་ནང་མི་སོགས་ལ་ཐུགས་གསོ་མཛད་པ་མ་ཟད། ༧གོང་ས་མཆོག་གི་མཚན་ཐོག་ཏུ་ཡོད་པའི་ཐེབས་རྩ་ཁང་བརྒྱུད་རོགས་སྐྱོར་ཞལ་འདེབས་ཀྱང་གནང་རྒྱུའི་སྐོར་གསུང་ཡོད་པ་རེད། Philippines ནང་ཉེ་ཆར་ཕྱི་ཟླ་༡༡་པའི་ཚེས་༨ རེས་གཟའ་པ་སངས་ཉིན་རླུང་འཚུབ་དྲག་པོ་Haiyan ཟེར་བ་རྒྱབ་པ་དེ་ནི་ད་བར་Phippines ནང་རླུང་འཚུབ་ཀྱི་གནོད་འཚེ་རིམ་པ་བྱུང་ཡོད་པའི་ནང་ནས་ཆེས་སྡུག་ཤོས་ཤིག་ཏུ་ངོས་འཛིན་གནང་གི་ཡོད་པ་དང། གནོད་འཚེ་དེའི་ནང་མི་ཤི་བ་དང་རྙེད་སོན་མ་བྱུང་བ། སྡོད་ཁྱིམ་མེད་པར་གྱུར་བའི་མི་དམངས་སྟོང་ཕྲག་མང་པོ་བྱུང་ཡོད་པ་རེད།  འཛམ་གླིང་མཉམ་འབྲེལ་རྒྱལ་ཚོགས་ཀྱི་རང་འབྱུང་གནོད་འཚེའི་རོགས་སྐྱོར་ལས་ཁང་གི་འགན་འཛིན་སྐུ་ཞབས་Valerie Amos ཡིས་གསུང་པར། རང་འབྱུང་གནོད་འཚེ་བྱུང་ཡུལ་Philippines དབུས་ཀྱི་ཞིང་ཆེན་ཁྱོན་ཡོངས་ནས་ཁྱོན་མི་གྲངས་ཁྲི་གཅིག་ཙམ་རྐྱེན་འདས་སུ་ཕྱིན་ཡོད་པའི་སྐོར་ཞིང་ཆེན་དེའི་ཉེན་རྟོག་དཔོན་རིགས་ཤིག་གིས་ཉེ་ཆར་གསུང་ཡོད་ཀྱང་། མཉམ་འབྲེལ་རྒྱལ་ཚོགས་ཀྱི་ཐོག་ནས་གནོད་འཚེ་དེའི་ནང་ཁྱོན་མི་གྲངས་ཁྲི་གཅིག་ནས་ཉིས་ཁྲི་གཉིས་སྟོང་བར་རྐྱེན་འདས་སུ་ཕྱིན་ཡོད་པའི་སྔོན་དཔག་གནང་གི་ཡོད་པ་རེད།

གསར་འགོད་ཉི་མ།