བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་རྒྱུན་ལས་ཚོཌ་འདུ།

༄༅༎བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་མི་རི་ཀའི་ཡན་ལག་ཚོགས་ཆུང་ཁག་གི་རྒྱུན་ལས་ཚོགས་ཆེན་ཐེངས་བརྒྱད་པ་དེ་ཨ་མི་རི་ཀའི་གྲོང་ཁྱེར་ནིའུ་ཡོག་ནང་ཟླ་བ་འདིའི་ཚེས་ཉི་ཤུ་དགུ་ནས་འགོ་བཙུགས་ཏེ་ཉི་མ་གཉིས་རིང་སྐོང་འཚོགས་གནང་ཡོད་པ་རེད། ཚོགས་ཆེན་དེར་ས་གནས་ཁག་བདུན་ཙམ་གྱི་རྒྱུན་ལས་ཚོགས་མི་ཚོས་ཚོགས་བཅར་གནང་ཡོད་པ་དང་ཚོགས་འདུ་དབུ་འབྱེད་ཀྱི་མཛད་སྒོར་བོ་ད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་ལས་ཚོགས་གཙོ་ཚེ་དབང་རིག་འཛིན་ལགས་སྐུ་མགྲོན་གཙོ་བོར་གདན་འདྲེན་ཞུས་ཡོད་པ་རེད། སྐབས་འདིའི་ཚོགས་ཆེན་ཐོག་བྱང་ཨ་མི་རི་ཀའི་ནང་བོད་རང་བཙན་ལས་འགུལ་ཐོག་མང་ཚོགས་ཀྱི་ཁྲོད་ལ་ཀུན་སློང་སྤེལ་ཐབས་སྐོར་དང་བོད་ཀྱི་ཕྱི་རོལ་ལ་གནས་བཞིན་པའི་བོད་མི་རྣམས་བཙན་བྱོལ་བ་ཆགས་ནས་མི་ལོ་ལྔ་བཅུ་སོང་བའི་དུས་ཚིགས་དེ་བཞིན་གཞི་རྒྱ་ཆེ་བའི་འཆར་གཞིའི་ཐོག་སྲུང་བརྩི་ཞུ་ཕྱོགས་སོགས་ཀྱི་གྲོས་གཞིའི་ཐོག་བཀའ་བསྡུར་གནང་ཡོད་པ་རེད། ནིའུ་ཡོག་མངའ་ཁུལ་གྱི་བོད་ཀྱི་གཞོན་ནུ་ལྷན་ཚོགས་ཀྱི་ས་གནས་རྒྱུན་ལས་ཚོགས་གཙོ་ཚེ་རིང་དཔལ་ལྡན་ལགས་ཀྱིས་གསུང་དོན་ལྟར་ན་བྱང་ཨ་མི་རི་ཀའི་མངའ་ཁུལ་གྱི་བོད་ཀྱི་གཞོན་ནུའི་ས་གནས་རྒྱུན་ལས་ཚོགས་ཆུང་ཚང་མའི་ངོས་ནས་བསམ་འཆར་བཏོན་པར་གཞིགས་ན་བོད་ཀྱི་རང་བཙན་འཐབ་རྩོད་ནི་གལ་གནད་ཤིན་ཏུ་ཆེན་པོ་ཡིན་པ་མ་གྲོས་བསམ་པ་གཅིག་གྱུར་ཡིན་པའི་རྣམ་པ་མངོན་གསལ་དོད་པོ་ཐོན་ཡོད་པ་དང་ཚོགས་བཅར་བ་ཕལ་ཆེ་བ་ཡང་ན་གཞོན་ཞེ་གཅིག་ཡིན་པར་བརྟེན་དེ་ནི་བཟང་ཕྱོགས་ཀྱི་གནས་ཚུལ་ཞིག་ཡིན་པར་མཐོང་སྣང་བྱུང་ཡོད་པ་རེད།