တရားမဝင်ကားတွေကို စစ်ဆေးရေးဂိတ် သတင်းပေးသူ ထွက်ပြေးလွတ်မြောက်

"အဲဒီကားကို လိုက်ဖမ်းတဲ့အခါမှာသူက ကီလို ၁၂၀ လောက်နဲ့မောင်းပြေးသွားတယ်။ ကျနော်တို့က နောက် ကနေ ကီလို ၁၀၀ ကျော်နဲ့လိုက်တယ်။ သို့သော် လမ်းကလည်း ချောနေတယ်။ ပြီးတော့ ဘေးဘက်မှာလည်း ပြည်သူလူထုကို ထိခိုက်အန္တရာယ်ဖြစ်စေနိုင်တဲ့အတွက် သူထိသွားရင်လည်း မကောင်းဘူး။ ကိုယ်ထိလည်း မကောင်းဘူး။ ဘေးမှာသွားလာနေတဲ့ ရွာသူရွာသားတွေ ခရီးသွားပြည်သူတွေထိရင်လည်း မကောင်းဘူး ။ ဒ့ါကြောင့်မို့လို့ ကျနော်လွှတ်ပေးလိုက်တယ်။ သူကတော့ လွတ်သွားတယ်ခင်ဗျ။ လွတ်သွားပေမယ့် ရဲတပ်ဖွဲ့မှာ ဘယ်လိုဥပဒေနဲ့ ဘယ်လို တရားစွဲလို့ရမလဲ၊ အရေးယူလို့ ရမလဲဆိုတာကိုတော့ ရတဲ့ဥပဒေနဲ့ တရားစွဲပြီး အရေးယူတာတွေလုပ်မှာပါခင်ဗျ"

အဲဒီသတင်းပေးတဲ့သူဟာ ဝန်ထမ်းမဟုတ်ဘဲ သာမာန်အရပ်သားဖြစ်တယ်လို့ ပြောပါတယ်။ သူ့ကို ရေပူ စစ်ဆေးရေးစခန်းနားမှာ ဆိုင်ကယ်နဲ့ဖြစ်ဖြစ်၊ ကားနဲ့ဖြစ်ဖြစ် လှည့်ပတ်သွားလာနေခဲ့တာတွေ တွေ့ရတယ် လို့ ပြောပါတယ်။

အဲဒီလူဟာ တရားမဝင်ပစ္စည်းသယ်လာတဲ့ ကားတစ်စီးကို ကျပ်ငွေတစ်သိန်းခွဲတောင်းတယ် ဆိုတဲ့အကြောင်းကို ကုန်တင်ယာဉ်မောင်းတစ်ယောက်က ထုတ်ဖော်ပြောခဲ့တာလို့ သိရပါတယ်။

သူ့လိုမျိုး သတင်းပေးနေတဲ့သူ ၈ ယောက်လောက်ရှိတာကို ဧပြီ ၁၈ ရက်နေ့က ရဲစခန်းကိုခေါ်ပြီး သတိပေး လိုက်တဲ့အတွက် ပြန်ကုန်ကြတယ်လို့ ပြောပါတယ်။