မြန်မာ အရာရှိတချို့ကို ကန် ဗီဇာ ပိတ်ပင်


2018.07.10
passport-622.jpg မြန်မာနိုင်ငံကူးလက်မှတ်စာအုပ်ကို တွေ့ရစဉ်
Photo: RFA

မြန်မာနိုင်ငံကနေ အမေရိကန်ပြည်ထောင်စုကို ခေတ္တ လာရောက်လိုသူတွေထဲက အစိုးရအရာရှိတချို့ကို ပြည်ဝင် ခွင့်ဗီဇာ ပိတ်ပင်လိုက်ပြီဖြစ်ကြောင်း အမေရိကန် အမိမြေလုံခြုံရေးဝန်ကြီးဌာနက အင်္ဂါနေ့ မနေ့က ကြေညာလိုက် ပါတယ်။ မြန်မာနဲ့လာအိုအစိုးရတွေဟာ အမေရိကန်အစိုးရက တိုင်းပြည်အန္ဒရာယ်ရှိတဲ့အတွက် ပြည်နှင်ဒဏ်ပေး လိုက်တဲ့ သူတို့နိုင်ငံသားတွေကို ပြန်လည်လက်ခံရန် ငြင်းဆန်ခဲ့ကြတဲ့အတွက် အဲဒီနိုင်ငံ ၂ ခုက လူတွေကို အခုလိုပြည်ဝင်ခွင့်ပိတ်လိုက်တာဖြစ်ပါတယ်။

အခုအမိန့်အရ မြန်မာနိုင်ငံ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက ညွန်ကြားရေးမှူးချုပ်နဲ့ အထက်အဆင့် အရာရှိတွေကို ဇူလိုင် ၉ ရက်ကစပြီး B1 အလုပ်အကိုင်ဗီဇာနဲ့ B2 အလည်အပတ်ဗီဇာတွေနဲ့ အမေရိကန်ပြည်ဝင်ခွင့်ဗီဇာ ထုတ်ပေးခြင်း မပြုတော့ဘူးလို့ သိရပါတယ်။ ကန် နိုင်ငံခြားရေးဝန်ကြီး မိုက် ပွန်ပီယိုက သက်ဆိုင်ရာကောင်စစ်ဝန်တွေကို တနင်္လာနေ့မှာ ဒီကိစ္စအတွက် ဆက်သွယ်ညွန်ကြားခဲ့တယ်လို့လည်းဆိုပါတယ်။

မြန်မာနဲ့ လာအိုနိုင်ငံတွေက သင့်တော်သလို အရေးယူဆောင်ရွက်ခြင်း မရှိဘူးဆိုရင် တခြား ဗီဇာအမျိုးအစားတွေကိုပါ နိုင်ငံခြားရေးဌာနက တိုးချဲ့ ပိတ်ဆို့မယ်လို့လည်း ပြောပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။