ကုလ အတွင်းရေးမှူးချုပ်ရဲ့ မြန်မာ့အရေး သုံးသပ်ချက်

နယူးယောက်မြို့ ကုလသမဂ္ဂ ဌာနချုပ်မှာ မနေ့က ပြုလုပ်တဲ့ ၂၀၁၀ နှစ်ချုပ် သတင်းစာရှင်းလင်းပွဲမှာ မစ္စတာဘန်ကီမွန်းက မြန်မာနိုင်ငံနဲ့ ပတ်သက်လို့ ထည့်သွင်းပြောကြားခဲ့တာပါ။ ဒီဖြစ်ပေါ်တိုးတက်မှုတွေကို အခြေခံပြီး ရှေ့ဆက် တိုးတက်အောင် လုပ်ဆောင်သွားနိုင်သလို လုပ်လည်း လုပ်ဆောင်ရမှာ ဖြစ်ကြောင်း သူက ပြောပါတယ်။

မြန်မာနိုင်ငံမှာ အမျိုးသားရင်ကြားစေ့ရေး၊ ဒီမိုကရေစီ အသွင်ကူးပြောင်းရေးနဲ့ လူ့အခွင့်အရေး လေးစား လိုက်နာရေး စတဲ့မျှော်မှန်းချက်တွေ ပြည့်မီအောင် ဆောင်ရွက်နိုင်ဖို့အတွက် ဆက်လက်ကူညီသွားမယ့် အကြောင်းလည်း မစ္စတာဘန်ကီမွန်းက ပြောပါတယ်။ မြန်မာနဲ့ ပတ်သက်လို့ ကုလသမဂ္ဂရဲ့ မဟာဗျူဟာ ဟာ ကျယ်ကျယ်ပြန့်ပြန့် ထိတွေ့ဆက်ဆံတဲ့ မူဝါဒချမှတ်ပြီး ရေရှည်လုပ်ဆောင်သွားဖို့ပဲ ဖြစ်တယ်လို့ မစ္စတာ ဘန်ကီမွန်းက ပြောဆိုလိုက်ပါတယ်။