NLD ကိုယ်စားလှယ်ကို ဦးလှဆွေ ကန့်ကွက်မှု ရှုံးနိမ့်

"အချက် ၂၀ လောက်နဲ့ တိုင်တာပေါ့။ ပုဒ်မ ၅၀၀ လည်းအပါအဝင် ဂုဏ်သရေညှိးနွမ်းမှု ပုဒ်မ ၂၁၁ လည်း ပါတယ်။ နောက်ကိုယ့်ရဲ့ ရွေးကောက်ပွဲကိုယ်စားလှယ်လည်း မဟုတ်ဘဲနဲ့ ရွေးကောက်ပွဲ ကိုယ်စားလှယ်ကနေပြီးတော့မှ ကြံခိုင်ရေးပါတီက မကောင်းဘူး ဘာညာပေါ့ အဲ့လိုမျိုးမဲဆွယ်တာတွေနဲ့ ပတ်သက်တဲ့ သူများ ပြစ်မှုကျူးလွန်တာတွေလည်း ကိုယ်ကပဲကျူးလွန်ခိုင်းသလိုလို ထင်ယောင်ထင်မှား အချက်တွေနဲ့ စွဲချက်တင်ရတာပေါ့ ။ ပုဒ်မ ၅၀၀ နဲ့ ပုဒ်မ ၂၁၁ နဲ့ ပတ်သက်တာကြတော့ လွန်ခဲ့တဲ့ ၂၀၁၂ နဲ့ ၂၀၁၃ ဖြစ်တာကျတော့ တပိုင်းပေါ့။ ရွေးကောက်ပွဲကာလအတွင်းမှာ မပြုလုပ်တဲ့အမှုတွေဖြစ် တာကြောင့် လုံးဝ ရွေးကောက်ပွဲ ခုံရုံးနဲ့ ဥပဒေနဲ့ မပတ်သက်ဘူးဆိုပြီး ဒီက ပယ်လိုက်တယ်။"

ဥပဒေအရ ကန့်ကွက်လွှာတင်သွင်းရာမှာ ရံှုးနိမ့်ခဲ့တဲ့အတွက် ဦးလှဆွေဟာ ဦးပြူးလွင်ကို အမှုရင်ဆိုင် စရိတ် ငွေကျပ်တစ်သိန်း ဒီနေ့ပေးရပါတယ်။

၂၀၁၅ ခုနှစ် ဒီဇင်ဘာလကစပြီး ကန့်ကွက်လွှာတင်ထားတဲ့အပေါ် လစဉ် တလကို သုံးကြိမ်ခန့် ခုံရုံးက ခေါ်ယူ စစ်ဆေးခဲ့တာတွေရှိကြောင်းနဲ့ အယူခံဝင်ခဲ့ရတာတွေလည်း ရှိတဲ့အတွက် စရိတ်ကုန်ကျမှုဟာ ဥပဒေပြဌာန်းချက် ထက် ပိုများခဲ့တယ်လို့ အမျိုးသားလွှတ်တော်ကိုယ်စားလှယ် ဦးပြူးလွင် က ပြောပါတယ်။

၂၀၁၅ အထွေထွေရွေးကောက်ပွဲ ရလဒ်အရ ဦးပြူးလွင်ဟာ ထောက်ခံမဲ တစ်သိန်းကျော်ရရှိခဲ့ပြီး ဦးလှဆွေ ဟာ ထောက်ခံမဲ ၃ သောင်းကျော် ရရှိခဲ့တာဖြစ်ပါတယ်။

ဦးပြူးလွင်အနေနဲ့ ဦးလှဆွေအပေါ် ဂုဏ်သိက္ခာညှိးနွမ်းအောင်နဲ့ အသေရေပျက်အောင် ဆောင်ရွက်ခဲ့တာတွေ ရှိသလို ကြံခိုင်ဖွံ့ဖြိုးရေးပါတီအပေါ်အမြင်မှားအောင် ဆောင်ရွက်ခဲ့တာကြောင့် ဦးပြူးလွင်ရရှိခဲ့တဲ့ မဲတွေဟာ မသမာမှုတွေရှိနေတယ်ဆိုပြီး ဦးလှဆွေက ပြည်ထောင်စုရွေးကောက်ပွဲ ကော်မရှင်ထံ ကန့်ကွက်လွှာ တင်သွင်းခဲ့တာ ဖြစ်ပါတယ်။