NLD နာယက သူရဦးတင်ဦး ကျန်းမာရေး ပြန်ကောင်းလာ
ဆေးရုံမှဆင်းလာတဲ့ အမျိုးသား ဒီမိုကရေစီအဖွဲ့ချုပ် NLD နာယက သူရ ဦးတင်ဦးကို တွေ့ရစဉ်
Photo: Thant Zin
အမျိုးသား ဒီမိုကရေစီအဖွဲ့ချုပ် NLD နာယက သူရ ဦးတင်ဦးဟာ ကိုဗစ်ရောဂါ ကူးစက် ခံလိုက်ရလို့ ရန်ကုန် ပြည်သူ့ဆေးရုံသစ်မှာ ဆေးကုသခံခဲ့ပြီး ဖေဖော်ဝါရီ ၂၈ ရက် မနေ့က ဆေးရုံကနေ ဆင်းနိုင်ခဲ့ပြီလို့ သိရပါတယ်။
သူရ ဦးတင်ဦးဟာ ကျန်းမာရေး ပြန်ကောင်းလာပြီမို့ ဗဟန်းမြို့နယ်က နေအိမ်ကို ပြန်ရောက်နေပြီလို့ ရန်ကုန်တိုင်း လွှတ်တော်ကိုယ်စားလှယ် ဦးဘိုဘိုဦးက RFA ကို ပြောပါတယ်။
သူရ ဦးတင်ဦးဟာ ပြီးခဲ့တဲ့ ဖေဖော်ဝါရီ ၁၈ ရက်က အိမ်မှာနေရင်း ကိုဗစ်စစ်ဆေးတဲ့ တစ်ခါသုံး ကိရိယာ နဲ့စစ်ဆေးရာ ပိုးကူးစက်ခံလိုက်ရလို့ ဖေဖော်ဝါရီ ၂၈ ရက်အထိ ဆေးရုံမှာ ၁၀ ရက်ကြာ တက်ရောက်ကု သခံခဲ့ရတာ ဖြစ်ပါတယ်။
လာမယ့် မတ်လ ၁၂ ရက်မှာ အသက် ၉၅ နှစ် ပြည့်မှာဖြစ်တဲ့ ဦးတင်ဦးဟာ လွန်ခဲ့တဲ့ ၂၀၁၇ ခုနှစ်က နေအိမ်က ရေချိုးခန်းထဲ ချော်လဲခဲ့ပြီး လေဖြတ်ဝေဒနာ ခံစားနေရလို့ စကား ကောင်းကောင်း မပြောနိုင်ဘူးလို့လည်း သိရပါတယ်။
သူရ ဦးတင်ဦးဟာ ၁၉၇၄ ခုနှစ် ကနေ ၁၉၇၆ ခုနှစ်အထိ ဗိုလ်ချုပ်ကြီးရာထူးနဲ့ “တပ်မတော် ကာကွယ်ရေးဦးစီးချုပ်” အဖြစ် တာဝန်ယူခဲ့ဖူးသူဖြစ်သလို ၁၉၈၈ ခုနှစ်မှာ အမျိုးသား ဒီမိုကရေစီအဖွဲ့ချုပ် (NLD) ပါတီကို တည်ထောင်ခဲ့သူတွေထဲက တစ်ယောက် အပါအဝင် ဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး