မြန်မာမှာပိတ်မိနေတဲ့ တရုတ်အယောက် ၉ဝဝ ကို ထိုင်းကယ်တင်
ထိုင်းဝန်ကြီးချုပ် Srettha Thavisin
Photo: Reuters
မြန်မာနိုင်ငံအခြေစိုက် အွန်လိုင်းငွေလိမ်ဂိုဏ်းတွေမှာ ပိတ်မိနေတဲ့ တရုတ်နိုင်ငံသား အယောက် ၉ဝဝ လောက်ကို ထိုင်းအစိုးရအကူအညီနဲ့ နေရပ်ပြန်ပို့ပေးခဲ့တယ်လို့ ထိုင်းဝန်ကြီးချုပ် Srettha Thavisin က မတ်လ ၃ ရက် ဒီကနေ့ ပြောပါတယ်။
ထိုင်း-မြန်မာ နယ်စပ်မှာပိတ်မိနေတဲ့ အဲဒီတရုတ်နိုင်ငံသားတွေကို လူသားချင်းစာနာထောက်ထားတဲ့အနေနဲ့ ကယ်တင်ပြန်ပို့ပေးတာဖြစ်ပြီး၊ တရုတ်နိုင်ငံဘက်က အတင်းအကျပ်ခိုင်းလို့လုပ်တာ မဟုတ်ဘူးလို့လည်း ပြောဆိုခဲ့ကြောင်း ရိုက်တာသတင်းကဖော်ပြပါတယ်။
သူတို့တွေကို မြန်မာဘက်ခြမ်း မြဝတီမြို့ကနေတစ်ဆင့် ထိုင်းဘက်ခြမ်း မဲဆောက်မြို့ကို ကယ်တင်လာခဲ့တာဖြစ်ပြီး တရုတ်အစိုးရက လေယာဉ် ၁၅ စီးနဲ့ လာခေါ်သွားတယ်လို့ ထိုင်းဒုရဲချုပ်ကလည်း ပြောပါတယ်။
မြန်မာနဲ့ တရုတ်အာဏာပိုင်တွေပူးပေါင်းပြီး မြန်မာနိုင်ငံထဲ အခြေစိုက်နေတဲ့ အွန်လိုင်းငွေလိမ်ဂိုဏ်းတွေကို နိမ်နင်းနေတာဖြစ်ပါတယ်။ ပြီးခဲ့တဲ့ ၂ဝ၂၃ ခုနှစ်နှစ် နိုဝင်ဘာလထဲမှာ သံသယရှိတဲ့သူ သုံးသောင်းတစ်ထောင်ကျော်ကို မြန်မာကတရုတ်ဘက် လွှဲပြောင်းပေးခဲ့ပါတယ်။
ရှမ်းပြည်နယ်မြောက်ပိုင်း လောက်ကိုင်မှာဖြစ်တဲ့ တိုက်ပွဲတွေကြား ပိတ်မိနေတဲ့ ထိုင်းနိုင်ငံသားအယောက် ၂ဝဝ ကျော်ကို တရုတ်အစိုးရကကယ်ထုတ်ပြီး ပြီးခဲ့တဲ့နိုဝင်ဘာလထဲမှာ ထိုင်းဘက်ပြန်ပို့ခဲ့ဖူးပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ