ထိုင်း လူငယ်အားလုံးကို ဂူထဲက ကယ်တင်ခဲ့ပြီ


2018.07.10
thai-navy-seal-622.jpg ဂူထဲပိတ်မိနေတဲ့ လူငယ်တွေကိုကယ်ပြီး ပြန်ထွက်လာတဲ့ ထိုင်းတော်ဝင်ရေတပ်သားတွေကို ၂၀၁၈ ဇူလိုင် ၁၀ ရက်နေ့ကတွေ့ရစဉ်
Photo: Thai NavySEAL Facebook

ထိုင်းနိုင်ငံ ချင်းရိုင်ခရိုင် မယ်ဆိုင်မြို့က ဂူကြီးထဲမှာ ပိတ်မိနေကြတဲ့ လူငယ်ဘောလုံးအသင်းသား ၁၂ ဦးနဲ့ သူတို့ရဲ့နည်းပြကို ဇူလိုင်လ ၁၀ရက်နေ့ ညပိုင်းက ကယ်တင်လိုက်နိုင်ပြီဖြစ်တယ်လို့ ဇူလိုင်လ ၁၀ရက်နေ့ည မယ်ဆိုင်မြို့မှာပြုလုပ်တဲ့ သတင်းစာရှင်းပွဲမှာ ထိုင်းအာဏာပိုင်တွေက ကြေညာသွားပါတယ်။

ခုလိုကယ်ဆယ်ဖို့ ဇူလိုင်လ ၈ ရက်နေ့က ဆုံးဖြတ်ပြီး စတင်ဆောင်ရွက်တာဖြစ်ပါတယ်။ အဲဒီရက်ပိုင်း မိုးလေဝသအခြေအနေအရ မိုးနည်းတဲ့ရက်ကို ချက်ခြင်းဆုံးဖြတ်ပြီး ဆောင်ရွက်တာဖြစ်ပါတယ်။ ဒါ့အပြင် ဂူထဲကရေတွေကို စုပ်ထုတ်နေတာလည်း ၃၀%လောက် ကုန်ခန်းနေချိန်မှာ ဖြစ်ပါတယ်။ ဒီအခွင့်အရေးကို လက်လွတ်မခံဘဲ ဆောင်ရွက်ခဲ့ကြတာဖြစ်တယ်လို့ ဆိုပါတယ်။

ဇူလိုင်လ ၁၀ ရက်နေ့ညပိုင်း ကမ္ဘာ့သတင်းတွေမှာ ကယ်ဆယ်ရေးအောင်မြင်ပြီလို့ ကြေညာလိုက်ချိန်မှာ ကမ္ဘာအရပ်ရပ်မှာ သြဘာသံတွေညံသွားပါတယ်။ အမေရိကန်သမ္မတ ဒေါ်နယ်ထရန့် ကလည်း သူ့ရဲ့ တွစ်တာကနေ ချီးကျူးလိုက်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။