လယ်မြေလျော်ကြေးအပြည့်ပေးပြီး မှ ပိုက်လိုင်းစီမံကိန်းကို ဆက်လုပ် ကိုင်ဖို့ ဝန်ကြီးချုပ်ထံ စာတင်

''တောင်သူတွေရဲ့ နစ်နာလျော်ကြေးကိစ္စကို သက်ဆိုင်ရာအုပ်ချုပ်ရေးမှုးအဖွဲ့တွေနဲ့ အတည်ပြုပြီး တော့ တင်ပြထားပြီးဖြစ်တယ်၊ လျော်ကြေး နစ်နာကြေး တောင်သူတွေလက်ဝယ်ကို အတိအကျ မရောက်ခင် ကာလအတွင်းမှာ ပိုက်လိုင်းနဲ့ စပ်ဆက်နဲ့လုပ်ငန်းတွေလုပ်ဆောင်ဖို့ကို ကျွန်တော်တို့က ခွင့်မပြုနိုင်ဘူး လို့ တားမြစ်တာပါ၊ ဒီအတွက်ကြောင့် မရမချင်းမှာ လုပ်ငန်းဆောင်ရွက်တာတွေ မလုပ်ရ ပါဘူးလို့ ကန့် ကွက်ထားခြင်းဖြစ်ပါတယ်''

တောင်သူတွေကို ကာလပေါက်ဈေးရဲ့ ၃ ဆ ကို နစ်နာကြေးအဖြစ် ပေးစေလိုတာဖြစ်တယ်လို့ သိရပါတယ်။

အဲဒီပိုက်လိုင်းစီမံကိန်းကို လွန်ခဲ့တဲ့ ၂၀၁၀ ခုနှစ်က စတင်ခဲ့တာဖြစ်ပြီး စီမံကိန်းကြောင့် အမ်းမြို့နယ် ရွာပေါင်း ၃၂ ရွာက လယ်ဧကပေါင်း ၁၃၀၀ ကျော် ပျက်စီး ဆုံးရှုံးခဲ့ရတာလို့ ကိုဝဏ္ဏစိုးက ပြောပါတယ်။

စီမံကိန်းစတင်ချိန်မှာ တောင်သူတွေအတွက် နစ်နာကြေးပေးခဲ့တာတွေရှိပေမယ့် တောင်သူအများစုမှာ အခုချိန်အထိလျော်ကြေးအပြည့်အဝ မရကြသေးဘူး လို့လည်း ပြောပါတယ်။