အမေရိကန်သံအမတ် ဒေသခံတွေ နဲ့ တွေ့ဆုံ


2016.09.28
scot-marciel-meet-shan-620.jpg အမေရိကန်သံအမတ်ကြီး Mr.Scot Marciel က ရှမ်းတိုင်းရင်းသား ကိုယ်စားလှယ်တွေနဲ့ စက်တင်ဘာလ ၂၈ ရက်နေ့က မြစ်ကြီးနား မြို့ ရှမ်းမျိုးနွယ်စုများ ဓမ္မာရုံမှာ တွေ့ဆုံနေစဉ်
Photo: Kyaw Myo Min/ RFA

ကချင်ပြည်နယ်ကိုရောက်ရှိနေတဲ့ အမေရိကန်သံအမတ်ကြီး Scot Marciel ဟာ မြစ်ကြီးနားမြို့ အခြေစိုက် ရှမ်း မျိုးနွယ်စုရေးရာအဖွဲ့နဲ့ ဒီကနေ့ တွေ့ဆုံခဲ့ပါတယ်။

အမေရိကန် သံအမတ်ကြီးနဲ့ တွေ့ဆုံရာမှာ ကချင်ပြည်နယ်က ရှမ်းတိုင်းရင်းသားတွေ ဖိနှိပ်ခံနေရတာတွေနဲ့ ပတ်သက်ပြီး KIA အဖွဲ့ကို မေတ္တာရပ်ခံပေးဖို့ တောင်းဆိုခဲ့တယ် လို့ မြစ်ကြီးနားမြို့အခြေစိုက် ရှမ်းမျိုးနွယ်စုရေးရာ အဖွဲ့ ဥက္ကဋ္ဌ ဦးစိုင်းစန်းဝေက ပြောပြပါတယ်။

အမေရိကန် သံအမတ်ကြီးက သူဟာ မြန်မာနိုင်ငံက တိုင်းရင်းသားလူမျိုးအားလုံးနဲ့ မိတ်ဆွေအဖြစ်ခံယူ ထားကြောင်းနဲ့ လူ့အခွင့်အရေးချိုးဖောက်တဲ့ ဘယ်လိုအဖွဲ့အစည်း ကိုမဆို လက်ခံမှာမဟုတ်ကြောင်း ပြောခဲ့ ပါတယ်။

အဲဒီတွေ့ဆုံပွဲမှာ ကချင်ပြည်နယ်က ရှမ်းလူငယ်တွေရဲ့ပညာရေး ၊ နိုင်ငံရေး၊ အခြေခံ လူ့အခွင့်အရေးစတဲ့ ကဏ္ဍတွေနဲ့ပတ်သက်ပြီး သင်တန်းတွေခေါ်ယူပေးဖို့နဲ့ ထောက်ပံ့ ကူညီပေးဖို့ ရှမ်းလူငယ်တွေက ဆွေးနွေး ခဲ့ပါတယ်။

ကချင်ပြည်နယ်ကို သုံးရက်ကြာရောက်ရှိနေတဲ့ အမေရိကန်သံအမတ်ကြီး Scot Marciel ဟာ စစ်ဘေး ကယ်ဆေးရေး စခန်းတချို့၊ လူမှုအဖွဲ့အစည်းတွေအပါအဝင် ဒေသခံ ရပ်မိရပ်ဖတွေနဲ့ တွေ့ဆုံခဲ့ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။