ရိုဟင်ဂျာတွေအတွက် ဒေါ်လာသုံးသန်းနီးပါး ဂျပန်ထောက်ပံ့
2024.02.26
ဘင်္ဂလားဒေ့ရှ်နိုင်ငံဆိုင်ရာ ဂျပန်သံအမတ်ကြီး Mr. IWAMA Kiminori နှင့် IOM Bangladesh အကြီးအကဲ Mr. Abdusattor Esoev တို့အား ၂ဝ၂၄ ခုနှစ် ဖေဖော်ဝါရီလ ၂၆ ရက်နေ့က ဘင်္ဂလားဒေ့ရှ်နိုင်ငံ၊ ကော့ဘဇားရှိ IOM ရုံးတွင် သဘောတူလက်မှတ်ရေးထိုးစဉ်။
Photo: IOM Bangladesh
ဘင်္ဂလားဒေ့ရှ်ရောက် ရိုဟင်ဂျာဒုက္ခသည်တွေအတွက် အမေရိကန်ဒေါ်လာ ၂.၇ သန်းထောက်ပံ့ပေးသွားမယ်လို့ ဂျပန်အစိုးရက ဖေဖော်ဝါရီလ ၂၆ ရက်နေ့က ထုတ်ပြန်ပါတယ်။
ဒီငွေတွေကို ရွှေ့ပြောင်းသွားလာနေထိုင်ခြင်းဆိုင်ရာ နိုင်ငံတကာအဖွဲ့အစည်း (IOM) ကနေတစ်ဆင့် ပံ့ပိုးသွားမှာဖြစ်ပြီး ရိုဟင်ဂျာတွေတင်မက ရိုဟင်ဂျာတွေကိုလက်ခံထားတဲ့ ကော့ဘဇားက လူမှုအသိုင်းအဝိုင်းအတွက်လည်း ထောက်ပံ့ပေးသွားမှာဖြစ်တယ်လို့ ဘင်္ဂလားဒေ့ရှ်အခြေစိုက် ဂျပန်သံရုံးက ထုတ်ပြန်ပါတယ်။
သောက်ရေသုံးရေ၊ အိမ်အမိုးအကာ၊ တစ်ကိုယ်ရေသန့်ရှင်းရေး၊ သဘာဝဘေးအန္တရာယ် ကာကွယ်ရေးကြိုတင်စီမံချက်တွေမှာ ဒီငွေတွေ အဓိကထား သုံးသွားဖို့ ရှိပြီး၊ ရိုဟင်ဂျာဒုက္ခသည်တွေအပါအဝင် ဒေသခံလူပေါင်း ငါးသိန်းအတွက် အထောက်အပံ့ဖြစ်မယ်လို့ ဆိုပါတယ်။
၂ဝ၁၇ ခုနှစ်ကစလို့ ဒီနေ့အထိ ဂျပန်နိုင်ငံဟာ ရိုဟင်ဂျာအရေးအတွက် အထောက်အပံ့ငွေပေးလာတာ အမေရိကန်ဒေါ်လာသန်း ၂၂ဝ ရှိပြီလို့လည်း သံရုံးထုတ်ပြန်ချက်မှာ ဖော်ပြထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ