ထွက်ပြေးရိုဟင်ဂျာမိခင်တွေ ကလေး ၅ သောင်းနီးပါး မွေးဖွားဖို့ ခန့်မှန်းထား

ကုလသမဂ္ဂရဲ့ အစီရင်ခံစာတွေအရရော၊ သူတို့ဝန်ထမ်းတွေကို သက်သေထွက်ဆိုချက်တွေအရပါ ကြည့်မယ်ဆိုရင်၊ မြန်မာနိုင်ငံမှာ မုဒိန်းကျင့်ခံခဲ့ရတယ်ဆိုတဲ့အချိန်က ပြီးခဲ့တဲ့နှစ် သြဂုတ်နဲ့ စက်တင်ဘာလတွေမှာ ဖြစ်နေတဲ့အတွက်၊ အခုဆိုရင် အဲဒီအမျိုးသမီးတွေ ကလေးမွေးတော့မယ့် အချိန်နီးလာနေပြီလို့ Save the Children အဖွဲ့က ကော့ဆ်ဘဇားဒုက္ခသည်စခန်းမှာ တာဝန်ယူနေတဲ့ လူသားချင်းစာနာမှုဆိုင်ရာ ထောက်ကူပြုမန်နေဂျာ Beatriz Ochoa ကပြောတယ်လို့ ဆိုပါတယ်။

ဒါကြောင့် မွေးလာမယ့်ကလေးတွေအတွက်ရော မိခင်တွေအတွက်ပါ ကျန်းမာရေးစောင့်ရှောက်မှု အတွက်လိုအပ်ချက်တွေကို ကူညီရေးအဖွဲ့တွေက ကြိုးစားနေတယ်လို့ ဆိုပါတယ်။