မြန်မာဒုက္ခသည်တွေ ပြန်ပို့မှု ထိုင်းကိုဝေဖန်

နိုဝင်ဘာလအတွင်း နယ်စပ် တိုက်ခိုက်မှုတွေ ဖြစ်လာကတည်းက မြန်မာဘက်က ဒုက္ခသည် ၂ သောင်းကျော် ထိုင်းဘက်ကို ထွက်ပြေးလာကြောင်း၊ သူတို့ကို ရက်အနည်းငယ်အတွင်း ပြန်ပို့ခဲ့ကြောင်း၊ ဒါ့ပြင်လည်း နောက်ထပ် ထွက်ပြေးလာမယ့် အလားလာတွေလည်း ရှိနေကြောင်း HRW အဖွဲ့ရဲ့ ကြေညာချက်မှာ ဖော်ပြထားပါတယ်။

ထိုင်းနိုင်ငံအနေနဲ့ မြန်မာဘက်မှာ အမှန်တကယ် မတည်ငြိမ်သေးသရွေ့ ဒုက္ခသည်တွေကို ပြန်မပို့သင့်ကြောင်း၊ နယ်စပ်နဲ့ အဝေးမှာ ဆက်လက်နေထိုင်ခွင့် ပေးသင့်ကြောင်းလည်း HRW ရဲ့ အာရှရေးရာ ဒုညွန်ကြားရေးမှူး Elaine Pearson က ပြောပါတယ်။