စစ်ရှောင်အရေးနဲ့ မြန်မာ့နိုင်ငံရေး ထိုင်းလွှတ်တော်မှာ ဆွေးနွေး

စစ်တပ်အာဏာသိမ်းပြီးနောက် ပိုမိုဆိုးရွားလာနေတဲ့ မြန်မာ့နိုင်ငံရေး အခြေအနေနဲ့ ထိုင်း-မြန်မာနယ်စပ် လုံခြုံရေး အခြေအနေတွေအကြောင်း ဆွေးနွေးပွဲကို ထိုင်းနိုင်ငံ ဘန်ကောက်မြို့က လွှတ်တော်အဆောက်အအုံမှာ မတ်လ ၂၂ ရက်နဲ့ ၂၃ ရက် နှစ်ရက်တာ ကျင်းပနေပါတယ်။

ဒီဆွေးနွေးပွဲကို ထိုင်းလွှတ်တော်ကော်မတီက စီစဉ်ကျင်းပတာဖြစ်ပြီး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် Tom Andrews၊ အမျိုးသားညီညွတ်ရေး အတိုင်ပင်ခံကောင်စီ NUCC၊ ပြည်ထောင်စုလွှတ်တော် ကိုယ်စားပြုကော်မတီ CRPH နဲ့ မြန်မာ့လူ့အခွင့်အရေးအဖွဲ့တွေ တက်ရောက်နေပါတယ်။

ဆွေးနွေးပွဲ ပထမနေ့မှာ ထိုင်းနိုင်ငံရဲ့ နယ်စပ်လုံခြုံရေး စိန်ခေါ်မှုတွေနဲ့ မြန်မာ့နိုင်ငံရေး အပါအဝင် နိုင်ငံဖြတ်ကျော် မှုခင်းတိုက်ဖျက်ရေး အစရှိတာတွေ ဆွေးနွေးပြီး မတ်လ ၂၃ ရက်နေ့ ဒီနေ့မှာ နယ်စပ်တစ်လျှောက်က စစ်ဘေးရှောင်တွေအရေး ဆွေးနွေးမယ်လို့ ဆိုပါတယ်။