ဒုက္ခသည်အချို့ အမေရိကန် ပြည်ထောင်စုကို ထွက်ခွာမယ်


2013.03.13
refugee_resettle_305px.jpg UNHCR အစီအစဉ်ဖြင့် ထိုင်နိုင်ငံရှိ ဒုက္ခသည်စခန်းတခုမှ အမေရိကနိုင်ငံသို့ ပြောင်းရွေ့အခြေချမည့် ကရင်တိုင်းရင်းသားမိသားစုများ လေယာဉ်ကွင်းသို့ ပို့ဆောင်ပေးမည့်ဘတ်စ်ကား စောင့်ဆိုင်းနေပုံ
(Photo: AFP)

ထိုင်းမြန်မာနယ်စပ်၊ တက်ခ်ခရိုင်ရှိ နို့ဖိုးဒုက္ခသည်စခန်းက ဒုက္ခသည် ၉၉ ယောက်ကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က တတိယနိုင်ငံ ထွက်ခွာခွင့်ပြုလိုက်တယ်လို့ သိရှိရပါတယ်။

အခုလိုထွက်ခွာခွင့် ပြုလိုက်သူတွေဟာ ၂ဝဝ၄-၂ဝဝ၅ နှစ်ကာလက  ဒုက္ခသည် အဖြစ် လျောက်ထားခဲ့သူတွေဖြစ်ပြီး ရှေ့လထဲမှာ ပထမအသုတ်အနေနဲ့ လူ ၂ဝ ခန့်စခန်းကနေ ထွက်ခွာမယ်လို့သိရပါတယ်။

နို့ဖိုးဒုက္ခသည်စခန်းမှာ ဒုက္ခသည်စုစုပေါင်း ၄ဝဝဝ ခန့်ရှိရာမှာ  ယခင်နှစ်ကာလတွေက ဒုက္ခသည်အဖြစ် လျှောက်ထားခဲ့သူက ၁ဝဝဝ ခန့်နဲ့ ၂ဝဝ၄-၂ဝဝ၅ ခုနှစ်ကာလက ထပ်မံလျှောက်ထားခဲ့သူ ဒုက္ခသည်သစ်က ၃ဝဝဝ ခန့်ရှိပါတယ်။

အခုလို ထွက်ခွာခွင့်ပြုလိုက်တဲ့ ဒုက္ခသည် ၉၉ ယောက် ဟာ တတိယနိုင်ငံ တခုခုမှာမိဘဆွေမျိုး ညီအကို မောင်နှမတွေရှိသူတွေဖြစ်တယ်လို့ UNHCR က ပြောဆိုကြောင်းနဲ့ အများစုဟာ အမေရိကန်ပြည်ထောင်စုကို ထွက်ခွာမှာဖြစ်ကြောင်း သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။