ဂွမြို့မှာ စစ်တပ်က သိမ်းထားတဲ့ လယ်ယာမြေတွေပြန်ရဖို့ ဆန္ဒပြ

ရခိုင်ပြည်နယ် ဂွမြို့နယ်မှာ စစ်တပ်ကသိမ်းထားတဲ့ လယ်ဧက တစ်ထောင်ကျော်ပြန်ရရေး အတွက် လယ်သမား သုံးရာကျော် ဒီကနေ့ မနက်ပိုင်းက ချီတက်ဆန္ဒပြခဲ့ကြပါတယ်။

2013.01.18

ဂွမြို့နဲ့ ၁၇ မိုင် ဝေးတဲ့ ကမ်းသာယာရွာမှာ ဧက ၃ ရာကျော်၊ မိုင် ၅၀ လောက်မှာရှိတဲ့ ပုတ်မြစ်၊ သဲကုန်း၊ စေတီကွင်း၊ ခြောက်ကုန်းရွာတွေမှာ ဧက ခုနစ်ရာကျော်ကို လွန်ခဲ့တဲ့ ၁၅ နှစ် လောက်ကတည်းက စစ်တပ်က စီမံကိန်းအတွက်ဆိုပြီး သိမ်းခဲ့တာလို့ သိရပါတယ်။

အဲဒီလယ်တွေကို ပြန်လည် စိုက်ပျိုးခွင့် ရဖို့အတွက် လက်ရှိပြဌာန်းထားတဲ့ ဥပဒေတွေအရ စီမံကိန်းမလုပ်ဖြစ်တဲ့ မြေတွေကို မူလလယ်လုပ်သူတွေကို ပြန်ပေးဖို့ လွှတ်တော်နဲ့ သမ္မတဆီလဲ တင်ပြထားခဲ့ပြီး ဘာမှအကြောင်းမပြန်တဲ့ အတွက် ခွင့်ပြုချက်ယူပြီး ဆန္ဒပြတာဖြစ်တဲ့အကြောင်း လယ်သမားတွေအတွက် ဆောင်ရွက်ပေးနေတဲ့ ရှေ့နေဦးတင်ညိုက RFA ကို ပြောပါတယ်။

အဲဒီလိုလယ်သိမ်းတဲ့အခါ မြေပေါ်မှာရှိတဲ့ အုန်းပင်တွေအတွက် အသီးထွက်နေတဲ့အပင် တစ်ပင်ကို ၅၀၀ ကျပ်၊ အသီးသိပ်မထွက်သေးတဲ့ ပင်ပျိုတစ်ပင်ကို ၂၅၀ ကျပ်နဲ့ သီးနှံလျော်ကြေးဆိုပြီး ပေးခဲ့တယ်လို့ ဆိုပါတယ်။

အုန်းသီးတစ်လုံးကို ၅၀ ကျပ် ပေါက်ဈေးရှိတဲ့အတွက် အုန်းတစ်ပင်ကို အုန်းသီး ၁၀ လုံး စာဖိုးပဲရခဲ့တာလို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။