ကင်တားနား လွှတ်တော်ကိုယ်စားလှယ်တွေနဲ့ ဆွေးနွေး

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ် ကင်တားနား ဟာ ဒီကနေ့ မနက်ပိုင်းက လွှတ်တော် မှာ ၂နာရီခန့် ကြာအောင် နိုင်ငံရေးပါတီ ၁၆ ခုက ခေါင်းဆောင်တွေနဲ့ တွေ့ဆုံခဲ့ပြီး တိုင်းရင်းသား ပါတီတွေ တင်ပြတဲ့ ဒေသတွင်း လူ့အခွင့် အရေး အခြေအနေတွေကို နားထောင်ခဲ့တယ်လို့ သိရပါတယ်။

2011.08.23
quintana-thuya-shwe-man-305 ၂၀၁၁ ခုနှစ် သြဂုတ်လ ၂၃ ရက် နေ့က နေပြည်တော်တွင် ပြည်သူ့လွှတ်တော် ဥက္ကဌ သူရဦးရွှေမန်းနှင့် ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနားတို့ တွေ့ဆုံခဲ့ပါသည်။
AFP PHOTO / Soe Than WIN

အဲဒီ တွေ့ဆုံပွဲမှာ ပါတီတွေက ပြည်တွင်း ငြိမ်းချမ်းရေးနဲ့ ပတ်သက်တဲ့ အနေအထားတွေကို တင်ပြခဲ့သလို မစ္စတာ ကင်တားနား ကလည်း သူ ဆောင်ရွက်နေတဲ့ ကိစ္စရပ်တွေကို ပြန်လည် ရှင်းလင်း တင်ပြခဲ့တယ်လို့ ဆွေးနွေးပွဲကို တက်ရောက်တဲ့ NDF ပါတီ ပြည်ထောင်စု လွှတ်တော် အမတ် ဒေါက်တာ သန်းဝင်းက ပြောပါတယ်။

“သူ့ကို အကြံပြုစရာရှိရင် ပြုပါဆိုပြီး အကြံဉာဏ်တောင်းတာ ဘယ်လိုလုပ်ဖို့ သင့်တယ်ဆိုတာကိုပါ၊ အဓိက ကတော့ နိုင်ငံရေး အကျဉ်းသားတွေ လွတ်ဖို့ သူဆောင်ရွက်နေတယ်။ နယ်စပ်မှာ မိုင်းရှင်းတဲ့ ကိစ္စကိုလည်း ကာကွယ်ရေးဝန်ကြီးနဲ့ သူဆွေးနွေးတယ်လို့ ပြောသွားတယ်”

မစ္စတာ ကင်တားနားဟာ ပြည်သူ့ လွှတ်တော် ဥက္ကဌနဲ့ အမျိုးသား လွှတ်တော် ဥက္ကဌ တို့ကိုလည်း ဒီကနေ့ တွေ့ဆုံခဲ့ပါတယ်။

မစ္စတာကင်တားနားဟာ နိုင်ငံရေးပါတီ ၁၆ ခုက လွှတ်တော် ကိုယ်စားလှယ်တွေနဲ့ တွေ့ဆုံခဲ့တာနဲ့ ပတ်သက်ပြီး အပြည့်အစုံကို ဦးတင်အောင်ခိုင်ရဲ့ တင်ပြချက်မှာ နားဆင်နိုင်ပါတယ်။

ဆက်သွယ်မေးမြန်းချက်။
အသံဖိုင်ယူရန်။
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။