ကြေးနီတောင်စီမံကိန်း အစီရင်ခံစာ ပြည်သူတွေကို အသိပေးမည်

"ဇန်နဝါရီလ မကုန်ခင်တင်မယ်လို့ ပြောထားတော့ မကုန်ခင်တင်မှာပါ၊ ကြားဖြတ်ကတော့ ထုတ်ပြန်စရာအကြောင်းမရှိဘူး၊ ဖိုင်နယ်ကျမှ ထုတ်ပြန်မှာပါ၊ ဒီကြားဖြတ်ကတော့ နိုင်ငံတော်သမ္မတကို အစီရင်ခံတင်ဖို့ပဲ"

လက်ပန်းတောင်းတောင်စီမံကိန်း အခြေအနေနဲ့ ပတ်သက်ပြီး စုံစမ်းစစ်ဆေးရေးကော်မရှင်က ဇန်နဝါရီလ ၁၁ရက်နေ့က သတင်းထုတ်ပြန်ခဲ့ပါတယ်။

သတင်းထုတ်ပြန်ချက်ထဲမှာ လက်ပန်းတောင်းတောင် ကြေးနီစီမံကိန်းနဲ့ ပတ်သက်ပြီး မြန်မာ့စီးပွားရေး ဦးပိုင်နဲ့ တရုတ် ဝမ်ပေါင် ကုမ္ပဏီတို့ ချုပ်ဆိုထားတဲ့ စာချုပ်ကို ဘက်ပေါင်းစုံကနေ စစ်ဆေးနေတယ်လို့လည်း ဖော်ပြထားပါတယ်။

အဲဒီစစ်ဆေးချက်တွေကရရှိတဲ့ အသေးစိတ်အချက်အလက်တွေကို သမ္မတ ဦးသိန်းစိန်ထံ တင်ပြသွားမယ်လို့ သိရပါတယ်။

လက်ပန်းတောင်းတောင် ကြေးနီစီမံကိန်းဟာ မုံရွာခရိုင်၊ ဆားလင်ကြီး မြို့နယ်ထဲမှာရှိပြီး အဲဒီစီမံကိန်းကို မြန်မာစစ်တပ်ပိုင် ဦးပိုင် ကုမ္ပဏီနဲ့ တရုပ် ဝမ်ပေါင် ကုမ္ပဏီတို့ အကျိုးတူပူးပေါင်းဆောင်ရွက်နေတာဖြစ်ပါတယ်။