PPST အစည်းအဝေး ဒီဇင်ဘာလဆန်းပိုင်း ကျင်းပမည်

2018.11.24

EAO ငြိမ်းချမ်းရေး လုပ်ငန်းစဉ် ဦးဆောင်အဖွဲ့ PPST ခေါင်းဆောင်တွေ ၂၀၁၈၊ အောက်တိုဘာ ၁၀ ရက်နေ့က ထိုင်းနိုင်ငံ ချင်းမိုင်မြို့မှာ တေ့ွဆုံဆွေးနွေးကြစဉ်

Photo: Aung Moe Myint/ RFA

အပစ်ရပ် တိုင်းရင်းသား လက်နက်ကိုင်အဖွဲ့ ခေါင်းဆောင်တွေနဲ့ ဖွဲ့စည်းထားတဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPST အစည်းအဝေးကို ဒီဇင်ဘာလဆန်းမှာ ကျင်းပသွားမယ်လို့ သိရပါတယ်။

ငြိမ်းချမ်ရေးလုပ်ငန်း ဦးဆောင်အဖွဲ့ အစည်းအဝေးကို ကျင်းပပေးဖို့ NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့ ၆ ဖွဲ့က ခေါင်းဆောင်တွေဟာ အဖွဲ့ဥက္ကဋ္ဌ အဖြစ် တာဝန်ယူထားတဲ့ KNU ဥက္ကဋ္ဌ ဗိုလ်ချုပ်ကြီး မူးတူးစေးဖိုး ဆီကို စာရေးသား တောင်းဆိုထားတာဖြစ်ပါတယ်။

ဒါပေမဲ့ KNU အဖွဲ့က PPST ကိုယ်စားလှယ် ပြောင်းလဲဖို့ရှိတာကြောင့် ဦးဆောင် မကျင်းပနိုင်ဘူးဆိုရင် ကျန်ရှိနေတဲ့ တိုင်းရင်းသားအဖွဲ့တွေက ဦးဆောင်ပြီး ဒီဇင်ဘာ ပထမပတ်မှာ ကျင်းပသွားမယ်လို့ PNLO နာယက ဗိုလ်မှူးကြီး ခွန်ဥက္ကာ က ပြောပါတယ်။

လက်ရှိဖြစ်ပေါ်နေတဲ့ နိုင်ငံရေးအခြေအနေတွေ၊ နိုင်ငံရေးဆွေးနွေးပွဲတွေကို တချို့အဖွဲ့တွေက ယာယီရပ်ဆိုင်းထားတာတွေကို ညှိနှိုင်းဖို့အတွက် PPST အစည်းအဝေးခေါ်ဖို့ တောင်းဆိုတာလို့လည်း ဗိုလ်မှူးကြီး ခွန်ဥက္ကာ က ပြောပါတယ်။

PPST ဥက္ကဋ္ဌ အဖြစ်တာဝန်ယူထားတဲ့ KNU ကိုယ်စားလှယ် ဗိုလ်ချုပ်ကြီး မူးတူးစေးဖိုး နေရာမှာ KNU က အထွေထွေအတွင်းရေးမှူးချုပ် ပဒို စောတာဒိုးမူးကို ပြောင်းလဲ တာဝန်ပေးလိုက်တာကြောင့် ဒီအစည်းအဝေးကျင်းပရင် PPST ခေါင်းဆောင်းနေရာအတွက် ပြန်လည်ရွေးချယ်မယ်လို့လည်း သိရပါတယ်။

PPST အစည်းအဝေးကို ပြီးခဲ့တဲ့ နိုဝင်ဘာလ ၅ ရက်နေ့ကနေ ၇ ရက်နေ့အထိ ထိုင်းနိုင်ငံ ချင်းမိုင်မြို့မှာ ကျင်းပဖို့ စီစဉ်ခဲ့ပေမယ့် KNU က အဖွဲ့တွင်း ငြိမ်းချမ်းရေးလုပ်ငန်း ပြန်လည်သုံးသပ်တာတွေ လုပ်ခဲ့တာကြောင့် အစည်းအဝေး မကျင်းပနိုင်ဘဲ ရွှေ့ဆိုင်းထားတာဖြစ်ပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

ဆက်နွယ်သောသတင်းများ

သတင်းများ

ဖတ်ရှုသူအများဆုံး သတင်းများ။

RFA

ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်

ဖတ်ရှုသူအများဆုံး သတင်းများ။

သတင်းများ

ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ