ပိတ်ဆို့မှု ဆက်လက်ထားရှိရေး ကြေညာချက် NLD ထုတ်ပြန်မည်

ဒီကနေ့ ဖေဖော်ဝါရီ ၇ ရက် နေ့လည် ၁ နာရီလောက်မှာ NLD အထွေထွေ အတွင်းရေးမှူး ဒေါ်အောင်ဆန်းစုကြည်နဲ့ ဗဟိုအလုပ်အမှုဆောင်များ၊ အစည်းအဝေး ပြုလုပ်ပြီး မြန်မာနိုင်ငံအပေါ် အနောက်နိုင်ငံတွေက ပိတ်ဆို့ အရေးယူထားတဲ့ စီးပွားရေး ပိတ်ဆို့မှုတွေနဲ့ ပတ်သက်ပြီး ပါတီက ထုတ်ပြန်မဲ့ သဘောထား ကြေညာချက်ကို အပြီးသတ် ဆွေးနွေးခဲ့ကြပါတယ်။

2011.02.07
NLD_HQ_office_305_z.jpg အမျိုးသား ဒီမိုကရေစီ အဖွဲ့ချုပ် (NLD) ၏ ရန်ကုန်မြို့ရှိ ဌာနချုပ်ရုံးတွင် အဖွဲ့ဝင်များ အလုပ်လုပ်နေပုံ ဖြစ်ပါသည်။ (Photo: AFP)
(Photo: AFP)
ပစ်မှတ်ထား ပိတ်ဆို့မှု ဆက်လက် ထားရှိေရးဆိုတဲ့ NLD ရဲ့ သဘောထား ကြေညာချက်ကို အင်္ဂလိပ်- မြန်မာ နှစ်ဘာသာနဲ့ ဖေဖော်ဝါရီ ၈ ရက် မနက်ဖြန်မှာ အပြည့်အစုံ ထုတ်ပြန်သွားမယ်လို့ သိရပါတယ်။

ဒီကြေညာချက်ကို မူလက ဒီကနေ့ ထုတ်ပြန်ဖို့ အစီအစဉ်ရှိပေမဲ့ အပြီးသတ် ညှိနှိုင်းတာတွေကို ဒီကနေ့ ထပ်မံ ပြုလုပ်နေတာကြောင့် မနက်ဖြန်ကျမှ ထုတ်ပြန်ဖို့ ရက်ရွှေ့ဆိုင်းခဲ့တာ ဖြစ်တယ်လို့ သိရပါတယ်။

ဒီအတောအတွင်း မြန်မာ့အရေး စိတ်ဝင်စားတဲ့၊ တောင်ကိုရီးယား ကျောင်းသားအဖွဲ့တဖွဲ့ဟာ ဒီကနေ့ မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လာရောက်တွေ့ဆုံပြီး မြန်မာ့ဒီမိုကရေစီရေး အကြောင်းတွေကို လေ့လာ မေးမြန်းခဲ့ကြောင်း သတင်းရရှိပါတယ်။

အဲဒီ တောင်ကိုရီးယား ကျောင်းသားအဖွဲ့မှာ ကျောင်းသားကျောင်းသူ စုစုပေါင်း ၁၆ ယောက် ပါဝင်ပြီး ဒေါ်အောင်ဆန်း စုကြည်ကို မနက် ၁၀ နာရီလောက်မှာ လာရောက် တွေ့ဆုံခဲ့တယ်လ့ို ပြန်ကြားရေး တာဝန်ခံ ဦးအုန်းကြိုင်က ပြောပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။