ပြည်ခိုင်ဖြိုးပါတီ ကိုယ်စားလှယ်လောင်း အမှုရှုံးနိမ့်

NLD ပါတီ ပြည်သူ့ လွှတ်တော် ကိုယ်စားလှယ် ဒေါ်ဖြူဖြူသင်းရဲ့ မဲဆွယ်နည်းလမ်းတွေ မတရားဘူးလို့ စွပ်စွဲပြီး သူ့ကို တရားစွဲခဲ့တာသာ ဖြစ်တယ်လို့ ဒေါ်ဖြူဖြူသင်းက ရှင်းပြပါတယ်။

"အဓိက အချက်အလက်တွေကတော့ ငွေပေးပြီး စည်းရုံးတာတို့ ပြည်သူလူထုကို၊ နောက်တစ်ချက်ကတော့ ကျွန်မတို့ အသံချဲ့စက်တွေသုံးပြီး ဥပဒေ ပုဒ်မတွေနဲ့ ငြိတယ်တို့၊ နောက်စက်ဘီး၊ ကားတွေမှာ စတစ်ကာ ကပ်တဲ့ကိစ္စတွေ အဲတာတွေကို သူတို့ကအဓိကထားပြီး စွဲဆိုပြီးတော့ ကျွန်မတို့ကို ဒါ ခိုင်လုံမဲ မဟုတ်ဘူး။ ဒါ မတရားသဖြင့် ယူထားတာဆိုပြီးတော့ စွဲဆိုတာ"

နှစ်ဖက်သက်သေတွေကို စစ်ဆေးအပြီး NLD ပါတီ ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းကို နေပြည်တော် ရွေးကောက်ပွဲကော်မရှင် ခုံရုံးက အနိုင်ပေးလိုက်တာ ဖြစ်ပါတယ်။

ဒီလိုအနိုင်ရတဲ့အတွက် ဒေါ်လဲ့လဲ့ဝင်းက ဒေါ်ဖြူဖြူသင်းကို လျှော်ကြေးငွေ ၅ သိန်း ပေးရမှာ ဖြစ်ပါတယ်။

ဒီအကြောင်းနဲ့ ပတ်သက်ပြီး NLD ပါတီ ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းကို ကိုဉာဏ်ဝင်းအောင်က ဆက်သွယ်မေးမြန်းထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။