နိုင်ငံလုံးဆိုင်ရာ NLD လူငယ်ညီလာခံ ပထမဆုံးအကြိမ်ကျင်းပ
2014.07.05
ဒီနေ့မနက်က ကျင်းပတဲ့ အမျိုးသားဒီမိုကရေစီ အဖွဲ့ချုပ် ပထမအကြိမ် နိုင်ငံလုံးဆိုင်ရာ လူငယ်ညီလာခံကို အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် တက်ရောက် မိန့်ခွန်းပြောကြားခဲ့ပါတယ်။
NLD အမျိုးသားဒီမိုကရေစီ အဖွဲ့ချုပ် ပထမအကြိမ် နိုင်ငံ လုံးဆိုင်ရာ လူငယ်ညီလာခံကို ရန်ကုန်မြို့ ဗဟန်း မြို့နယ် ရွှေဂုံတိုင်က တော်ဝင်နှင်းဆီခန်းမမှာ ဒီနေ့ မနက်က ကျင်းပခဲ့ပါတယ်။
ဒီနေ့ ညီလာခံပထမနေ့မှာ ဥက္ကဌ ဒေါ်အောင်ဆန်းစုကြည် က တက်ရောက်လာတဲ့ လူငယ်ကိုယ်စားလှယ် တစ်ရာကျော်လောက်ကို တာဝန်နဲ့ ပတ်သက်လို့ အခုလို မှာကြားခဲ့ပါတယ်။
"ဒီမိုကရေစီ ပြန်ပြီးတော့ ထူထောင်မယ်၊ ပြည်သူ လူထုရဲ့ သြဇာအာဏာ လွှမ်မိုးတဲ့စနစ်ကို ပြန်လည် ထူထောင်မယ် ဆိုလို့ရှိရင် တာဝန်ကို အဓိကထား ပြီးတော့ ကျမတို့ရဲ့ လူငယ်တွေ စိတ်နှလုံသား အတွင်းမှာ ဖြစ်တည်ဖို့လိုပါတယ်၊ စံပြဖြစ်တဲ့အတွက် ကျမတို့ တာဝန်ပဲပေးမယ် နေရာမပေးဘူး နေရာပေး တဲ့ အလုပ်ကို မလုပ်ဘူး၊ တာဝန်ယူဖို့ဆိုတာ ထူး ထူးခြားခြား နှလုံးသားထဲမှာ သိမ်းထားကြပါ၊ တာဝန်ယူဖို့ဆိုတဲ့ စိတ်ဓာတ်ထားပြီး လုပ်ကြပါ"
ဒီညီလာခံကနေ အဖွဲ့ဝင် ၁၇ ဦးပါဝင်တဲ့ အဖွဲ့ချုပ်ဗဟိုလူငယ်အဖွဲ့ကို ဖွဲ့စည်းမှာဖြစ်တယ်လို့ သိရပါတယ်။
ဒီနေ့ကျင်းပတဲ့ ညီလာခံကို တက်ရောက်လာတဲ့ လူငယ်ကိုယ်စားလှယ်တွေဟာ အမျိုးသားဒီမိုကရေစီ အဖွဲ့ချုပ်ရဲ့ ရပ်ကျေး၊မြို့နယ်၊ ခရိုင်၊ ပြည်နယ်တိုင်း အဆင့်ဆင့်က ရွေးချယ်ခဲ့တဲ့ ကိုယ်စားလှယ်တွေ ဖြစ်ပါတယ်။
ညီလာခံပထမနေ့မှာ ဥက္ကဌ ဒေါ်အောင်ဆန်းစုကြည်ရဲ့ ပြောကြားချက်တွေကို RFA သတင်းထောက် ကိုကျော်ဇောဝင်း က ကောက်နှုတ်တင်ပြထားပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- မြန်မာမှာ စစ်အာဏာရှင်စနစ်အဆုံးသတ်မှ နျူကလီးယားကိစ္စပြုလုပ်ဖို့ နိုင်ငံတကာကို ဦးကျော်မိုးထွန်းတိုက်တွန်း
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)