NLD ဦးဉာဏ်ဝင်း ဂျပန်နိုင်ငံခြားရေးဝန်ကြီးနဲ့ တိုကျိုမြို့မှာ တွေ့ဆုံ


2015.11.27
nyanwin-japan-620.jpg ဂျပန်နိုင်ငံခြားရေးဝန်ကြီး Fumio Kishida နဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဉာဏ်ဝင်း တို့ ၂ဝ၁၅ ခုနှစ် နိုဝင်ဘာလ ၂၇ ရက်နေ့က တိုကျိုမြို့က ဂျပန်နိုင်ငံခြားရေးဝန်ကြီးဌာနရုံးမှာ တွေ့ဆုံကြစဉ်
Photo: Ministry of Foreign Affairs of Japan Website

ဂျပန်နိုင်ငံခြားရေးဝန်ကြီး Fumio Kishida ဟာ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဉာဏ်ဝင်းကို တိုကျိုမြို့က ဂျပန်နိုင်ငံခြားရေးဝန်ကြီးဌာနရုံးမှာ လက်ခံတွေ့ဆုံခဲ့ပါတယ်။

NLD အစိုးရဖွဲ့ပြီးရင် ပါတီခေါင်းဆောင် ဒေါ်အောင်ဆန်းစုကြည်အနေနဲ့ ဂျပန်ကို အရင်ဆုံးလာနိုင်ဖို့ သူတို့အနေ နဲ့ မျှော်လင့်နေတဲ့ကြောင်း၊ အာဏာလွှဲပြောင်းရေးချောမွေ့အောင် ဆက်လက်ပံ့ပိုးကူညီသွားမှာဖြစ်ကြောင်း ဂျပန်နိုင်ငံခြားရေးဝန်ကြီးက ပြောဆိုပါတယ်။

ဦးဉာဏ်ဝင်းကလည်း အနာဂတ် မြန်မာနိုင်ငံ ပြန်လည်ထူထောင်ရေးမှာ ဂျပန်ရဲ့ရင်းနှီးမြှုပ်နှံမှုနဲ့ နည်းပညာတွေ အထူးအရေးပါကြောင်း ပြောဆိုခဲ့ပါတယ်။ ဦးဉာဏ်ဝင်းဟာ ဂျပန်နိုင်ငံခြားရေးဝန်ကြီးရဲ့ တရားဝင်ဖိတ်ကြားချက်အရ မနေ့ကလို့ တိုကျိုမြို့မှာ ရောက်ရှိနေတာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။