ဒေါက်တာမြဉာဏစိုးကို NLD က ပါတီဝင်အဖြစ် လက်ခံ

အမျိူးသား လွှတ်တော်ကိုယ်စားလှယ် ဒေါက်တာမြဉာဏစိုးကို ပါတီဝင်အဖြစ် လက်ခံလိုက်ပြီလို့ မနေ့က ကျင်းပတဲ့ အမျိူးသားဒီမိုကရေစီ အဖွဲ့ချုပ် သတင်းစာရှင်းလင်းပွဲမှာ ပါတီ အတွင်းရေးမှူးအဖွဲ့ဝင် ဦးဉာဏ်ဝင်းကကြေညာခဲ့ပါတယ်။

2012.02.20
u-nyan-win-press-b305 ၂၀၁၂ ခုနှစ် ဖေဖော်ဝါရီ ၂၀ ရက်တွင် အမျိုးသားဒီမိုကရေစီ အဖွဲ့ချုပ် ရုံးချုပ်တွင် ပြုလုပ်သော သတင်းစာရှင်းလင်းပွဲ၌ ဦးဉာဏ်ဝင်းက သတင်းထောက်များအား ရှင်းလင်းနေစဉ်။
RFA

ဒါကြောင့် အန်အယ်လ်ဒီပါတီ တရားဝင် နိုင်ငံရေးပါတီအဖြစ် ပြန်လည် မှတ်ပုံတင်ပြီးနောက်ပိုင်း ဒေါက်တာ မြဉာဏစိုးဟာ အန်အယ်လ်ဒီရဲ့ ပထမဦးဆုံး အမျိူးသား လွှတ်တော်ကိုယ်စားလှယ် ဖြစ်လာပါတယ်။

လာမယ့် ကြားဖြတ်ရွေးကောက်ပွဲမှာ နေပြည်တော်လေးမြို့နယ်က ဝင်အရွေးခံကြမယ့် အန်အယ်လ်ဒီ ပြည်သူ့လွှတ်တော် ကိုယ်စားလှယ်လောင်းတွေ အောင်နိုင်ရေးအတွက် ပါတီက တာဝန်ပေးထားတယ်လို့ ဒေါက်တာမြဉာဏစိုးက ပြောပါတယ်။ ဒေါက်တာမြဉာဏစိုးဟာ ၂၀၁၀ ရွေးကောက်ပွဲကာလက အန်အယ်လ်ဒီက ခွဲထွက်သွားတဲ့ အမျိူးသား ဒီမိုကရေစီအင်အားစု NDF ပါတီဝင်အဖြစ် ဝင်ရောက်ယှဉ်ပြိုင် အရွေးခံခဲ့တာပါ။

ဒါပေမယ့် အန်အယ်လ်ဒီ ပါတီဥက္ကဋ္ဌ ဒေါ်အောင်ဆန်းစုကြည် နေအိမ် အကျယ်ချုပ်က ၂၀၁၀ နိုဝင်ဘာလမှာ လွတ်မြောက် လာပြီးတဲ့နောက် မိခင်ပါတီနဲ့ NDF ပြန်လည် ပေါင်းစည်းရေး ကြိုးစားခဲ့ပေမယ့် မအောင်မြင်ခဲ့တာကြောင့် NDF ပါတီက နှုတ်ထွက်ပြီး အန်အယ်လ်ဒီပါတီဝင်အဖြစ် ၂၀၁၁ ခုနှစ်ကုန်ပိုင်းလောက်မှာ လျှောက်လွှာတင်သွင်းခဲ့ တာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။