NLD က ပညာရေးရန်ပုံငွေ ပေးအပ်လှူဒါန်း

ဒီ ရန်ပုံငွေပေးအပ်ပွဲကို ရန်ကုန်မြို့ ရွှေဂုံတိုင်လမ်းရှိ အမျိုးသားဒီမိုကရေစီ အဖွဲ့ချုပ်ရုံးမှာ ကျင်းပခဲ့ပြီး NLD သဘာပတိအဖွဲ့ နာယက ဦးတင်ဦးကိုယ်တိုင် လှူဒါန်းလိုက်တာလို့ ဦးဟန်သာမြင့်က RFA ကို ပြောပါတယ်။

ကျောင်းသားဦးရေ အနည်းအများပေါ် မူတည်ပြီး တစ်ကျောင်းကို ၂ သိန်း၊ ၄ သိန်း၊ ၆ သိန်း စသည်ဖြင့် ကျောင်းကော်မတီအဖွဲ့ဝင်တွေကို ပေးအပ်လိုက်တာပါ။ အလှူငွေအပြင် အလှုရှင်တွေ ပေးအပ်ထားတဲ့ ဗလာစာအုပ် အုပ်ရေ (၆၀၀၀) လောက် ကိုလည်း ခွဲဝေလှူဒါန်းလိုက်ပါတယ်။

ဒီပွဲကို NLD သဘာပတိအဖွဲ့ နာယက ဦးတင်ဦး၊ သဘာပတိ အဖွဲ့ဝင် ဦးဝင်းတင်နဲ့ ဗဟိုအလုပ်အမှုဆောင် အဖွဲ့ဝင်တွေ၊ အမျိုးသမီးအဖွဲ့ဝင်တွေနဲ့ လူငယ်အဖွဲ့ဝင်တွေ တက်ရောက်ခဲ့ကြပါတယ်။