NDF ပါတီ ပြန်လည်ပြင်ဆင် တိုးချဲ့ဖွဲ့စည်းမည်

လာမယ့် ၂၀၁၅ ခုနှစ်မှာ ကျင်းပမယ့် ရွေးကောက်ပွဲမတိုင်ခင် ပါတီအင်အားတောင့်တင်းအောင် လုပ်ဆောင်သွားဖို့ ဒီကနေ့ ရန်ကုန်မြို့မှာ ကျင်းပတဲ့ NDF ပါတီ် ဗဟိုအလုပ်အမှုဆောင် အစည်းအဝေးကနေ ဆုံးဖြတ်လိုက်တာ ဖြစ်ကြောင်း NDF ပါတီ မူဝါဒရေးရာအကြီးအကဲ ဦးခင်မောင်ဆွေက ပြောပါတယ်။

"ပါတီပြန်လည် ပြင်ဆင်ဖွဲ့စည်းရေးပါ။ ပြန်လည်ပြင်ဆင်တိုးချဲ့ ဖွဲ့စည်းရေးအတွက် ပါတီမူဝါဒရေးရာကော်မတီရယ်၊ ဗဟိုအလုပ်အမှုဆောင်ကော်မတီရယ်၊ ဗဟိုအလုပ်ကော်မတီရယ်၊ ဗဟိုအလုပ်ကော်မတီမှာ လူငယ်တွေပါပါတယ်။ သုံးဖွဲ့ပေါင်းပြီး ဆွေးနွေးတာပါခင်ဗျ။ ပါတီစည်းရုံးရေးဘယ်လို ဆက်ဆောင်ရွက်သွားမလဲ၊ ရန်ပုံငွေရရှိရေး ဘယ်လိုလုပ်မလဲ၊ ပါတီ စည်းမျည်းစည်းကမ်းတွေရော၊ နောက်ပြီးတော့ ပါတီရဲ့ဖွဲ့စည်းရေး အပိုင်းတွေမှာ ပြန်လည်ပြင်ဆင် ဖွဲ့စည်းသွားဖို့၊ နောက်ပြီးတော့ ထွက်ထားတဲ့ အဲပုဂ္ဂိုလ်ထဲက ကျွန်တော်တို့ ဗဟိုအလုပ်မှုဆောင်မှာ ပါတဲ့ ပုဂ္ဂိုလ်တွေ ပြန်ဖြည့်ဖို့၊ ဗဟိုအလုပ်အမှုဆောင်တွေ ထပ်တိုးချဲ့ဖွဲ့စည်းဖို့ အဲတာတွေကို ကျွန်တော်တို့ တိုင်ပင်တာပါ။ တိုင်ပင်ပြီးမှ ဗဟိုဦးစီးမှာ တင်ပြပြီးမှ အတည်ဖြစ်မှာပါ"

NDF ပါတီဟာ မြန်မာနိုင်ငံမှာ NLD ပါတီနဲ့ ကြံ့ခိုင်ဖွံ့ဖြိုးရေးပါတီပြီးရင် တတိယ အင်အားအများဆုံးပါတီ ဖြစ်ပါတယ်။