ဘင်္ဂလားဒေ့ရှ်-မြန်မာနယ်စပ်အနီး ပစ်ခတ်မှု ကလေးငယ်တစ်ဦး ဒဏ်ရာရရှိ


2018.06.29
muslim-camp-border-622.JPG မြန်မာ-ဘင်္ဂလားဒေ့ရှ်နယ်စပ် ခြံစည်းရိုးနားမှာ နေထိုင်သူတွေကို တွေ့ရစဉ်
Photo: Htet Arkar/RFA

ရခိုင်ပြည်နယ် မောင်တောခရိုင် တောင်ပြိုလက်ယာအနီးက ဘင်္ဂလားဒေ့ရှ်နဲ့ မြန်မာနယ်စပ်ဒေသမှာ သေနတ်နဲ့ အပစ်ခံရတာကြောင့် မွတ်စလင် ကလေးငယ်တစ်ဦး ဆေးရုံတက်ရောက် ကုသနေရပါတယ်။   

ဇွန်လ ၂၈ ရက်၊ မနေ့က ညနေ ၄ နာရီလောက်က ဖြစ်ပွားခဲ့တဲ့ အဲဒီပစ်ခတ်မှုကြောင့် အသက် ၁၀ နှစ်အရွယ် ရိုဟင်ဂျာ မွတ်စလင်ကလေးငယ်တစ်ဦး သေနတ်ဒဏ်ရာ ရရှိခဲ့တာဖြစ်တယ်လို့ နှစ်နိုင်ငံနယ်စပ်အနီးမှာ နေထိုင်တဲ့ ရိုဟင်ဂျာ ဒုက္ခသည်တစ်ဦးဖြစ်တဲ့ ကိုနေလင်းအောင် က သတင်းထောက်တွေကို ပြောပါတယ်။

"နာမည်က အင်ဆာ အူလာ ပါ၊ ဒီနားလေးမှာပဲ၊ ၄ နာရီလောက်မှာပါ၊ သူ့မိဘတွေက ဆေးရုံခေါ် သွားပါတယ်၊ ဘယ်ဆေးရုံလဲတော့ ကျနော်လည်းမပြောတတ်ဘူး"

အဲဒီကလေးငယ်ကို ဘယ်အဖွဲ့က သေနတ်နဲ့ ပစ်ခတ်တယ်ဆိုတာကိုတော့ တိတိကျကျ ပြောနိုင်တဲ့သူ မရှိပါဘူး။

မြန်မာနယ်စပ်ဘက်နဲ့ နီးစပ်တဲ့နေရာမှာ ပစ်ခတ်မှုဖြစ်ပွားခဲ့တာကြောင့် RFA က ဒေသခံရဲတပ်ဖွဲ့ဝင်တွေကို ဆက်သွယ်မေးမြန်းခဲ့ရာမှာ အထက်အမိန့်မရဘဲ မဖြေကြားနိုင်ကြောင်း တုံ့ပြန်ပြောကြားပါတယ်။ မောင်တော ခရိုင် ဒုတိယခရိုင်မှူး ဦးရဲထူး ကတော့ သူမသိရှိကြောင်း ပြောပါတယ်။

လက်ရှိ ဘင်္ဂလားဒေ့ရှ်နဲ့ မြန်မာနယ်ခြားဒေသမှာ အမျိုးသမီးဦးရေ နှစ်ထောင့်ငါးရာကျော်အပါအဝင် ရိုဟင်ဂျာ ဒုက္ခသည် ငါးထောင်နီးပါးရှိပြီး နိုင်ငံသားဖြစ်ခွင့်ပေးဖို့၊ လုံခြုံရေးပေးဖို့နဲ့ ပျက်စီးသွားတဲ့ နေအိမ်တွေ ကို ပြန်ဆောက်ပေးဖို့ တောင်းဆိုထားကြပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။