ရွေးကောက်ပွဲနေ့မှာ သပိတ်မှောက်ဖို့ သံဃာနှင့် ကျောင်းသားများ တိုက်တွန်း
2010.11.04
စစ်အစိုးရ၏ ရွေးကောက်ပွဲကို အိန္ဒိယနိုင်ငံ၊ နယူးဒေလီမြို့တွင် နိုဝင်ဘာ ၃ ရက်နေ့က ဆန့်ကျင်ဆန္ဒပြစဉ် စစ်အစိုးရ၏ အလံသစ်ကို သံဃာတပါး မီးရှို့ကန့်ကွက်နေပုံ ဖြစ်ပါသည်။ (Photo: AFP)
ထုတ်ပြန်တဲ့ စာထဲမှာ စစ်အစိုးရဟာ ၁၉၉၀ ခုနှစ် ရွေးကောက်ပွဲကို အသိအမှတ်မပြုပဲ ပြည်သူ့ လိုလားချက်ကို တဖက်သတ် ဖျက်သိမ်းခဲ့ကြောင်း အဲဒီနောက် စစ်အာဏာရှင် သက်ဆိုးရှည်ရေးအတွက် ၂၀၁၀ ရွေးကောက်ပွဲကို ကျင်းပဖို့ စီစဉ်တာ ဖြစ်တယ်လို့ ဆိုပါတယ်။
ကြေညာချက်နဲ့ပတ်သက်ပြီး ဗကသများ အဖွဲ့ချုပ် က ကိုဇာနည်က ခုလိုပြောပါတယ်။
“မျှော်လင့်တာတော့ အကောင်းဆုံးကို မျှော်လင့်ထားပေမဲ့လည်း မဖြစ်လာခဲ့ဘူး ဆိုရင်လည်း ကျွန်တော်တို့အနေနဲ့ အဆိုးဆုံးကို ရင်ဆိုင်ဖို့ ပြင်ဆင်ထားရမှာပါ။ သို့သော် ဒါသည် စစ်ကျွန်ဘဝကို တရားဝင် သွတ်သွင်းတဲ့ဟာ ဖြစ်တဲ့အတွက် ကျွန်တော်တို့အနေနဲ့ ပြည်သူကို တကဲ့ကို ပြတ်ပြတ်သားသား သတိပေးရမဲ့ တာဝန် ကျွန်တော်တို့မှာ ရှိပါတယ် ဗကသအနေနဲ့။”
“အဲဒီ တာဝန်ကို ကျွန်တော်တို့ ဦးလည်မသုန် ထမ်းရွက်ခြင်း ဖြစ်ပါတယ်။ ဒီဟာရဲ့ အောင်မြင်ခြင်း၊ ကျရှုံးခြင်း၊ မအောင်မြင်ခြင်းဆိုတာကတော့ ကျွန်တော်တို့ လူထု လိုက်ပါမှု နှုန်းနဲ့ ကျွန်တော်တို့ရဲ့ ဆွဲဆောင်ရေးပေါ်မှာ အများကြီး မူတည်ပါတယ်။”
တဆက်တည်း ပြည်သူတွေအနေနဲ့ ဒီရွေးကောက်ပွဲကို ပါဝင်ခြင်းဖြင့် စစ်အစိုးရ စီစဉ်တဲ့ နိုင်ငံရေး ဇာတ်ပျက်ထဲမှာ သမိုင်းတရားခံ ဖြစ်သွားနိုင်ကြောင်း၊ ဒါ့အပြင် ကိုယ်လည်ပင်းကိုယ် ကြိုးကွင်းစွပ်တဲ့ အခြေအနေဖြစ်ကြောင်း မိမိပိုင် အသည်းကြားက မဲတပြားကို သဲထဲရေသွန် မလုပ်သင့်ပါကြောင်း ပန်ကြားထားပါတယ်။
ဒီအခြေအနေတွေကြောင့် ပြည်သူတွေအနေနဲ့ အကြမ်းဖက် လူရမ်းကား ကြံ့ခိုင်ဖွံ့ဖြိုးရေးအဖွဲ့ကို ဆန့်ကျင်ဒဏ်ခတ်ဖို့ ညီညီညွတ်ညွတ် သတ္တိရှိရှိ၊ မဲသွားမပေးပဲ သပိတ်မှောက်ဖို့ အလေးအနက် ပန်ကြားကြောင်း ရေးသားထားပါတယ်။
အဲဒီကိစ္စနဲ့ ပတ်သက်လို့ ၈၈ မျိုးဆက် ကျောင်းသားများအဖွဲ့ရဲ့ ပြန်ကြားရေးတာဝန်ခံ ကိုအောင်ကျော်ဆင့်ကို RFA ဝိုင်းတော်သား ကိုနေရိန်ကျော်က ဆက်သွယ် မေးမြန်းထားပါတယ်။
 |
ဆက်သွယ်မေးမြန်းချက်။ |
 |
အသံဖိုင်ယူရန် |
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ