နေပြည်တော်မှာ စစ်လေယာဉ် တစ်စီး ပျက်ကျ၊ ၅ ဦးသေဆုံး
2016.02.10
နေပြည်တော်၊ ကြံ့ခင်းကျေးရွာအနီးမှာ ဖေဖော်ဝါရီလ ၁ဝ ရက်နေ့က ပျက်ကျခဲ့တဲ့ တပ်မတော်လေယာဉ်တစ်စီးကို တွေ့ရစဉ်
နေပြည်တော်ကနေ ထွက်ခွာခဲ့တဲ့ တပ်မတော် (လေ)က သယ်ယူပို့ဆောင်ရေး လေယာဉ်တစ်စီးဟာ ဒီကနေ့မနက်က လယ်ဝေးမြို့နယ်၊ သဲကောနဲ့ ကြံ့ခင်းကျေးရွာအနီးမှာ ပျက်ကျခဲ့ပြီး အရာရှိနဲ့ စစ်သည် ၅ ဦး သေဆုံးခဲ့ပါတယ်။
နေပြည်တော်လေဆိပ်ကနေ ပျံသန်းပြီး မကြာမီ လေဆိပ်ကို ပြန်အလှည့်မှာ ပျက်ကျခဲ့တာ ဖြစ်နိုင်တယ်လို့ သဲကောကျေးရွာအုပ်ချုပ်ရေးမှူး ဦးတိုးမြင့်က ပြောပါတယ်။
"စက်ချို့ယွင်းတယ်လို့ပြောတာပဲ၊ စက်ချို့ယွင်းလို့ နောက်ပြန်အလှည့်မှာ ထိုးကျသွားတယ်လို့ သိရတာပေါ့၊ ငါးယောက်လို့ပြောတယ်၊ မီးတွေလောင်နေလို့ ကျနေ်တို့ အနားမကပ်နိုင်ဘူး"
စက်ချို့ယွင်းမှုကြောင့် ပျက်ကျတယ်လို့ ပြန်ကြားရေးဝန်ကြီးဌာနက ထုတ်ပြန်ကြေညာထားပါတယ်။
မီးလောင်ကျွမ်းခဲ့တဲ့ တပ်မတော် လေယာဉ် B-1900 ပေါ်မှာ ဗိုလ်မှူးအဆင့်ရှိသူ ၁ဦး ၊ ဗိုလ်ကြီး ၂ဦး၊ တပ်ကြပ်ကြီး ၁ ဦးနဲ့ ဒုတပ်ကြပ် ၁ ဦး ပါဝင်ပြီး ဒုတပ်ကြပ်က တပ်မတော်စစ်ဆေးရုံမှာ သေဆုံးခဲ့တာဖြစ်ပါတယ်။
လေယာဉ်ပျက်ကျတဲ့နေရာမှာ နေပြည်တော်ကောင်စီဝင် ဗိုလ်မှူးကြီးမင်းနောင်နဲ့ တခြားတပ်မတော် အရာရှိတွေ၊ ရဲတပ်ဖွဲ့ဝင်တွေ၊ ကြက်ခြေနီတပ်ဖွဲ့ဝင်တွေနဲ့ မီးသတ်တပ်ဖွဲ့ဝင်တွေ ကူညီကယ်ဆယ်ခဲ့ကြပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)