ထိုင်းစက်ရုံမှ မြန်မာအလုပ်သမားများ ၇ ရက်မြောက် ဆက်လက်ဆန္ဒပြ
2010.09.14
မြန်မာစစ်အစိုးရက ရွှေ့ပြောင်း အလုပ်သမားများအား တရားဝင် ထုတ်ပေးထားသော ယာယီ နိုင်ငံကူးလက်မှတ်ပေါ်မှ ထိုင်းနိုင်ငံတွင် နေထိုင်ခွင့် ဗီဇာသက်တမ်းကို အလုပ်ရှင်က ဤကဲ့သို့ မင်ဖြင့် ခြစ်၍ ဖျက်ထားသဖြင့် စက်ရုံအလုပ်သမားများက စက်တင်ဘာ ၈ ရက်နေ့မှ စတင်ကာ ရက်ဆက် ဆန္ဒပြနေခြင်း ဖြစ်ပါသည်။ (Photo: Map Foundation based in Thai)
ဆန္ဒပြရာမှာ ကိုယ်တိုင်ပါဝင်တဲ့ စောကပေါ်ဆေးက နောက်ဆုံးအခြေအနေနဲ့ ပတ်သက်ပြီး RFA ကို ပြောပြပါတယ်။
“ဒီနေ့ အခုထက်ထိလည်း ၉၀၀ ကျော်အတိုင်း ရှိနေပါတယ်။ အခု စက်ရုံထဲကို ဝင်ပြီးတော့ လာတဲ့ အဖွဲ့စုံတွေရယ်၊ ဒီ ထိုင်းနိုင်ငံဖက်က ခေါန်ကန်တို့ဖက်က ရှေ့နေတွေရယ်၊ ဒီ ရှေ့နေတွေနဲ့ သွားရောက် တွေ့ဆုံနေပါတယ်။ သူတို့ဖက်က လုပ်မပေးနိုင်တဲ့ အခြေအနေမှာ ရှိပါတယ်။ ကျွန်တော်တို့က ကျွန်တော်တို့ တောင်းဆိုထားတဲ့ ၄ ချက်ကို ၃ ချက်ကို ခွင့်ပေးမယ်၊ တခုကို ခွင့်မပေးဘူးဆိုရင် လုံးဝ နောက်မဆုတ်ပါဘူး။ ဒီအတိုင်းပဲ ဆက်ပြီး ဆန္ဒပြသွားပါမယ်။”
အဲဒီ မြန်မာအလုပ်သမား တထောင်နီးပါးက သူတို့ရဲ့ ယာယီ နိုင်ငံကူးလက်မှတ်တွေကို ပြင်တာ ဖျက်ထားတာ မရှိပဲ အကောင်းပကတိ ပြန်ရရေးအတွက် ဆန္ဒပြနေကြတာပါ။
ဆန္ဒပြ အလုပ်သမားတွေက ထိုင်းနိုင်ငံ ဗန်ကောက်မြို့ မြန်မာသံရုံးကို သူတို့ပြဿနာ ဝင်ရောက် ဖြေရှင်းပေးဖို့ အကူအညီ တောင်းခံခဲ့ပေမဲ့ သံမှူး ဦးဝင်းဇေယျထွန်းနဲ့ အဖွဲ့ကို စေလွှတ်မယ်လို့သာ အကြောင်းပြန်ခဲ့ပြီး အခုအချိန်ထိ အခင်းဖြစ်ပွားရာကို ရောက်မလာသေးဘူးလို့ သိရပါတယ် ။
ထိုင်းအခြေစိုက် အလုပ်သမား ကာကွယ် စောင့်ရှောက်ရေးအဖွဲ့တွေက ဝင်ရောက် ကူညီနေပေမဲ့ အခြေအနေတွေ မထူးသေးကြောင်း သိရပါတယ်။
RFA မှ ဦးဉာဏ်ဝင်းအောင်က ဆက်သွယ် မေးမြန်းထားပါတယ် ။
 |
ဆက်သွယ်မေးမြန်းချက်။ |
 |
အသံဖိုင်ယူရန် |
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ