မောင်တောမှာ နေရာပြန်ပေးဖို့ စီစဉ်

ရခိုင်ပြည်နယ် မောင်တောမြို့နယ်အတွင်းမှာ ပြီးခဲ့တဲ့နှစ်ကဖြစ်ပွားခဲ့တဲ့ အကြမ်းဖက်တိုက်ခိုက်ခံရမှု ဖြစ်စဉ်တွေ အတွင်း မီးလောင်သွားတဲ့ ကျေးရွာတွေက မွတ်စလင် မိသားစုတွေကို မူလနေရာတွေမှာ ပြန်လည်နေရာချထားပေး ဖို့ ပြည်နယ်အစိုးရက ပြင်ဆင်နေပါတယ်။

အဲဒီမီးလောင်ပြင်မြေနေရာတွေပေါ်မှာ အိမ်ရာမြေကွက်တွေဖော်နေပြီး မကြာခင် ပြန်လည်နေရာချထားပေး မှာဖြစ်တယ်လို့ မောင်တောခရိုင်အုပ်ချုပ်ရေးမှူး ဦးရဲထွဋ် ကပြောပါတယ်။

"မီးလောင်ပြင်မြေနေရာတွေပေါ်မှာ နေရာချပေးဖို့လုပ်နေတာ၊ မီးလောင်သွားတဲ့ရွာတွေ အကုန်လုံးကို လုပ်ပေးနေတာ၊ ကျေးရွာ ၁၃ ရွာရှိပါတယ်၊ လောလောဆယ်တော့ သူတို့ ဆွေမျိုးသားချင်းတွေ အိမ်မှာနေနေ တယ်၊ အကုန်လုံး ရာခိုင်နှုန်းပြည့်နီးပါး ပြီးခါနီးနေပါပြီ၊ ပြီးတာနဲ့ နေရာချပေးမှာပါ"

ကျေးရွာပေါင်း ၁၃ ရွာမှာ ပေ ၆၀၊ ၄၀ စီရှိတဲ့ အိမ်ရာမြေကွက်တွေ ဖော်နေတာဖြစ်ပြီး အားလုံးပြီးစီးတာနဲ့ တပြိုင် နက် ပြန်လည်နေရာချထားပေးမှာဖြစ်တယ်လို့သိရပါတယ်။

မောင်တောမြို့နယ်အတွင်းမှာ ပြီးခဲ့တဲ့နှစ် အောက်တိုဘာလအတွင်းက ဖြစ်ပွားခဲ့တဲ့အကြမ်းဖက် တိုက်ခိုက် မှုတွေကြောင့် ကျီးကန်းပြင်၊ ဝပိတ်၊ ရေခပ်ချောင်းခွဆုံ၊ ဦးရှည်ကျ စတဲ့ကျေးရွာပေါင်း ၁၀ ကျော်မှာ နေအိမ် မီးလောင်မှုတွေ ဖြစ်ပွားခဲ့တာပါ။

နေအိမ်မီးလောင်ဆုံးရှုံးခဲ့ရတဲ့ မိသားစုတွေဟာ သူတို့ရဲ့ဆွေမျိုးသားချင်းတွေအိမ်မှာ နေထိုင်နေကြရတာဖြစ်တယ လို့ မောင်တောခရိုင်အုပ်ချုပ်ရေးမှူး ဦးရဲထွဋ် ကပြောပါတယ်။