ရပ်ကွက်အုပ်ချုပ်ရေးမှူး ပြည်သူတွေရွေးချယ်ခွင့်ပြု

ရန်ကုန်တိုင်း တောင်ဒဂုံမြို့နယ် ၁၀၄ ရပ်ကွက်က ရပ်ကွက်အုပ်ချုပ်ရေးမှူး လျှို့ဝှက်ရွေးချယ်တာကို ရပ်ကွက်သူ ရပ်ကွက်သားတွေက မကျေနပ်တာကြောင့် လုံခြုံရေးနဲ့ နယ်စပ်ရေးရာ ဝန်ကြီးဌာနကို အသနားခံစာ တင်သွင်းခဲ့တဲ့အတွက် ပြည်သူတွေ စိတ်တိုင်းကျ ရပ်ကွက်အုပ်ချုပ်ရေးမှူး အသစ် ပြန်လည်ရွေးချယ်ပေးမယ့်အကြောင်း အာဏာပိုင်တွေဘက်က ဒီကနေ့ အကြောင်းပြန်လိုက်တယ်လို့ သိရပါတယ်။

2012.09.22

ဒီခွင့်ပြုချက်ကို ရန်ကုန်တိုင်းဒေသကြီး လွှတ်တော် ကိုယ်စားလှယ် ဒေါ်ညိုညိုသင်းကတဆင့် ရပ်ကွက်နေ လူထုကို အသိပေး ပြောကြားခဲ့တာ ဖြစ်တယ်လို့ တောင်ဒဂုံမြို့နယ် ၁၀၄ ရပ်ကွက်သား တစ်ဦးက RFA ကို ပြောပါတယ်။

တောင်ဒဂုံမြို့နယ် ၁၀၄ ရပ်ကွက် အုပ်ချုပ်ရေးမှူး ခန့်အပ်ဖို့ အခုလ (၈) ရက်နေ့က ရွေးချယ်ရာမှာ ရပ်ကွက်က မနှစ်သက်တဲ့သူကို အခန်းတံခါးပိတ်ပြီး တိတ်တဆိတ် ရွေးချယ်လိုက်တဲ့အတွက် ရပ်ကွက်နေလူထု မကျေမနပ် ဖြစ်ပြီး ဆန္ဒပြဖို့ ခွင့်ပြုချက် တောင်းခံခဲ့သလို အသနားခံစာတွေလည်း ရေးသားတင်ပြခဲ့ကြပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။